Friendship Day : वर्चुअल फ्रेंडशिप डे म्हणजे काय रे भाऊ?

कुटुंबाव्यतिरिक्त ज्या व्यक्ती आपल्या आयुष्यामध्ये आपली साथ देतात त्या व्यक्ती म्हणजे बेस्ट फ्रेंड्स. मैत्रीचे बंध अगदी अतूट असतात. जीवाभावाचे मित्र जेव्हा वेळेप्रसंगी धावून येतात तेव्हा या नात्याची ताकद नेमकी काय हे कळतं. प्रत्येक सुख-दुःखात सावरणारी मैत्री म्हणजे खरं सुख. खरं तर मैत्रीबाबत बोलावं तितकं कमीच आहे. ऑगस्टमधील पहिला रविवार हा फ्रेंडशिप डे म्हणजेच मैत्री दिन म्हणून साजरा करण्यात येतो. यावर्षी १ ऑगस्ट रोजी फ्रेंडशिप डे (Friendship Day) साजरा केला जाणार आहे.

Advertisement

या दिवशी प्रत्येक जण आपल्या मित्र परिवाराला मैत्री दिनाच्या वेगवेगळ्या पद्धतीने शुभेच्छा देतात. करोनापूर्वी सगळं सुरळीत सुरु असताना फ्रेंडशिप डे म्हटलं की कॉलेजचे कट्टे अगदी भरलेले असायचे. तरुणाईच्या चेहऱ्यावर असणारा फ्रेंडशिप डेचा उत्साह तर काही निराळाच होता. पण आता करोनाचा संकट अजूनही पूर्णपणे टळलेलं नाही. अशा परिस्थितीमध्ये देखील तुम्ही मैत्री दिवसाचं सेलिब्रेशन करू शकता. यासाठी काही खास टिप्स या लेखाच्या आधारे जाणून घेऊया…

​घरबसल्याच साजरा करा फ्रेंडशिप डे

करोनाच्या वाढत्या संकटामुळे आजही सगळ्यांना घर बसल्याच प्रत्येक सण, दिवस साजरा करावा लागत आहे. अजूनही बऱ्याच गोष्टींसाठी निर्बंध कायम आहेत. सध्याच्या परिस्थितीचं भान राखता आपण देखील नियमांचं पालन करणं गरजेचं आहे. म्हणूनच यंदाचा फ्रेंडशिप डे तुम्ही घरबसल्या साजरा करू शकता. सध्या जमाना हा इंटरनेट, सोशल मीडियाचा आहे. तुम्ही या मार्गाचा वापर करत तुमच्या मित्र-मैत्रिणींना मैत्री दिनाच्या शुभेच्छा देऊ शकता. तसेच या दिवसाचा आनंद सेलिब्रेट करू शकता. घरबसल्या फ्रेंडशिप डे कसा साजरा करायचा हे आम्ही तुम्हाला सांगणार आहोत.

वर्चुअल पार्टी

करोनापूर्वी सगळं सुरळीत सुरु असताना फ्रेंडशिप डे म्हटलं की कॉलेजमधील तरुण मंडळींचा उत्साह गगनात मावेनासा व्हायचा. मित्र-मैत्रिणी या दिवशी एकत्र भेटून धमाल, मजा-मस्ती करत पार्टीचं आयोजन करायचे. पण आता नव्या पद्धतीने हा दिवस साजरा करणं देखील आपल्याला शिकलं पाहिजे. तुम्ही आता देखील फ्रेंडशिप डे दिवशी पार्टी करू शकता. पण ही पार्टी नव्या तंत्रज्ञानावर आधारित असेल. तुम्ही घरबसल्या वर्चुअल पार्टी करू शकता. घरातूनच तुम्ही तुमच्या मित्र परिवाराल व्हिडिओ कॉल करू शकता. आणि खूप वेळ गप्पा देखील मारू शकता. त्याचबरोबरीने तुम्ही एकत्रच विविध पदार्थ ऑर्डर करून हा दिवस साजरा करू शकता. यामध्ये नाविन्य म्हणून तुम्ही एखादी ड्रेस थीम देखील ठरवू शकता.



सोशल मीडियाचा वापर

एखाद्या विषयाबाबत व्यक्त होण्यासाठी बरीच मंडळी अलिकडे सोशल मीडियाचा वापर करत आहेत. आपल्या जवळच्या व्यक्तीबाबत प्रेम व्यक्त करायचं असलं तरी सोशल मीडियाचा वापर केला जातो. सेलिब्रिटी मंडळी तर सोशल मीडियाद्वारेच व्यक्त होताना दिसतात. मग फ्रेंडशिप डेसाठी (Friendship Day) देखील तुम्ही सोशल मीडियाचा उत्तम वापर करू शकता. तुम्ही तुमच्या सोशल मीडियावर असलेल्या अकाउंटद्वारे मित्र-मैत्रिणींबाबत उत्तम पद्धतीने व्यक्त होऊ शकता. तसेच तुम्ही एकत्र घालवलेले क्षण आणि त्यादरम्यानचे फोटो सोशल मीडियावर शेअर करू शकता. यामुळे तुमच्या मित्र-मैत्रिणींच्या चेहऱ्यावर एका वेगळ्या प्रकारचं हास्य उमलेल.

ऑनलाइन गिफ्ट

करोनाकाळात सगळे जणंच घरात बसून त्रस्त झाले आहेत. कोणताही सण, दिवस अगदी उत्साहात साजरा करण्यावर अनेक निर्बंध लावण्यात आले आहेत. मग अशावेळी तुमचा उत्साह देखील कमी होतो. पण यंदाचा फ्रेंडशिप डे तुम्ही आनंदाने सेलिब्रेट करू शकता. तुम्हाला जर तुमच्या मित्र-मैत्रिणींना एखादं सरप्राइज द्यायचं असेल तर तुम्ही ऑनलाइन गिफ्ट ऑर्डर करू शकता. त्यासाठी आपल्या मित्र किंवा मैत्रिणीला सर्वात जास्त काय आवडतं, कोणतं गिफ्ट पाहून तो किंवा ती अधिक खूश होईल याचा विचार करा आणि त्यांना भेटवस्तू द्या.

​वर्चुअल गेम नाइट

वर्चुअल गेम हा नवा ट्रेंड आता तरुणाईमध्ये रुजू लागला आहे. हा ट्रेंड फ्रेंडशिप डेसाठी तुम्हाला उपयुक्त ठरू शकतो. घरबसल्याा तुम्ही एखादी गेम पार्टी आयोजित करू शकता. ल्युडो सारखे ऑनलाइन गेम मोबइलमध्ये तुम्ही डाउनलोड करू शकता. आणि हा गेम खेळत असताना तुम्ही तुमच्या मित्र-मैत्रिणींना रिक्वेस्ट पाठवत गेमची सुरुवात करू शकता. अशा प्रकारचे विविध गेम आज इंटरनेटवर उपलब्ध आहेत. फ्रेंडशिप डे साजरा करण्याची ही नवी पद्धत तुम्हाला देखील नक्कीच आवडेल.

Advertisement

Leave a Reply

Your email address will not be published. Required fields are marked *