भारतीय संघाला(team) आता अजून एक मोठा धक्का बसला आहे. कारण जसप्रीत बुमराह आता इंग्लंडविरुद्धच्या टी २० आणि वनडे मालिकेत खेळणार नसल्याचे स्पष्ट झाले आहे. पण आता बुमराहबरोबर अजून एक वेगवान गोलंदाज या मालिकेत खेळणार नसल्याचे स्पष्ट झाले आहे. त्यामुळे आता गौतम गंभीर यांची चिंता वाढलेली आहे.
एकिकडे बुमराह या मालिकेत खेळणार नसल्याचे समोर आले आहे. दुसरीकडे मोहम्मद शमी इंग्लंडच्या मालिकेत खेळणार की नाही, हे अद्याप स्पष्ट झाले नाही. कारण मोहम्मद शमीला चॅम्पियन्स ट्रॉफीसाठी राखून ठेवले जाऊ शकते. त्यामुळे बुमराह आणि शमी नसताना अजून एक वेगवान खेळणार नसल्यामुळे गौतम गंभीरसह भारताच्या संघ व्यवस्थापनाची चिंता अजूनच वाढलेली आहे.
तरुण वेगवान गोलंदाज मयंक यादव मायदेशातील इंग्लंडविरुद्धच्या आगामी टी-२० आणि वनडे क्रिकेट मालिकेला मुकण्याची शक्यता आहे. सुत्रांनी शुक्रवारी ही माहिती टाइम्स वृत्त समुहास दिली.
गेल्या आयपीएलमध्ये लखनऊ सुपर जायन्ट्सचे प्रतिनिधित्व करताना मयंकने प्रभावी मारा करत लक्ष वेधून घेतले होते. गेल्या ऑक्टोबरमधील बांगलादेशविरुद्धच्या टी-२० मालिकेद्वारे त्याने आंतरराष्ट्रीय पदार्पणही केले. मात्र दुखापतीमुळेच पुढे नोव्हेंबरमधील दक्षिण आफ्रिकेविरुद्धच्या मालिकेवर मयंकला पाणी सोडावे लागले. त्यानंतर तो क्रिकेट सामन्यांपासून दूरच आहे. मयांकच्या जागी आता नितिश कुमार रेड्डीला संघात स्थान मिळू शकते, असे समोर आले आहे.
‘पाठदुखीचा त्रास जाणवत असल्याने मयंक इंग्लंडविरुद्धच्या आगामी मालिकांना मुकण्याची शक्यता आहे. रणजीच्या उत्तरार्धासाठी निवडण्यात आलेल्या दिल्लीच्या संभाव्य संघातही(team) मयंकचा समावेश करण्यात आलेला नाही. २३ जानेवारीला दिल्लीचा सामना राजकोट येथे सौराष्ट्रविरुद्ध रंगणार आहे’, असे बीसीसीआयशी संबंधित सुत्रांनी सांगितले.
२२ वर्षीय मयंकने गेल्यावर्षी १२ ऑक्टोबरला हैदराबाद येथे पार पडलेल्या बांगलादेशविरुद्धच्या सामन्यात भारताचे प्रतिनिधित्व केले होते. त्यानंतर तो बेंगळुरूतील राष्ट्रीय क्रिकेट अकादमीत दुखापतीवर उपचार घेतो आहे. त्याला मुश्ताक अली टी-२० क्रिकेट स्पर्धा तसेच विजय हजारे वनडे करंडक स्पर्धेतही भाग घेता आला नाही. त्यामुळे त्याच्याबाबतची चिंता आता वाढलेली आहे.
आधी इंग्लंडविरुद्धच्या टी-२० मालिकेसाठी भारतीय संघ निवडला जाणार आहे. पाच टी-२० सामन्यांच्या या मालिकेस २२ जानेवारीपासून सुरुवात होईल. पहिला सामना कोलकाता येथे रंगणार आहे. तर १९ जानेवारीपर्यंत इंग्लंडविरुद्धची तीन वनडे सामन्यांची मालिका तसेच चॅम्पियन्स करंडक वनडे स्पर्धेसाठी भारतीय संघाची निवड होईल. पण त्यापूर्वी इंग्लंडच्या मालिकेत कोणाला संधी मिळणार, हे मात्र अद्याप समोर आलेले नाही.
हेही वाचा :
१० वर्षे जुन्या डिझेल गाड्यांवर येणार बंदी? वाढत्या AQI मुळे उच्च न्यायालयाच्या सूचना
दगाफटका केला तर सरकारचा कार्यक्रमच लावणार, जरांगेंचा फडणवीसांना इशारा
प्रभासच्या लग्नाचे गुढ: ‘बाहुबली’चा सुपरस्टार अखेर विवाह बंधनात अडकणार?