पेट्रोल-डिझेलच्या किंमती न वाढल्याने “या”कंपन्यांचे 19,000 कोटींचे नुकसान

तीन कंपन्यांना नुकसान
मूडीज इन्व्हेस्टर्स सर्व्हिसने गुरुवारी त्यांच्या एका अहवालात सांगितलं आहे की पेट्रोल-डिझेलच्या(Petrol-diesel) किंमतीत वाढ न केल्याने इंडियन ऑईल कॉरपोरेशन (IOC), भारत पेट्रोलियम कॉरपोरेशन (BPCL) आणि हिंदुस्तान पेट्रोलियम कॉरपोरेशन (HPCL) या तीन कंपन्यांना 2.25 अब्ज डॉलर्स म्हणजे जवळपास 19 हजार कोटींचे नुकसान सोसावं लागलं आहे.

कच्च्या तेलाच्या किंमतीमध्ये वाढ
देशात 4 नोव्हेंबर 2021 पासून ते 21 मार्च 2022 पर्यंत पेट्रोल आणि डिझेलच्या किंमतीमध्ये कोणतीही वाढ करण्यात आली नव्हती. पण या दरम्यान आंतरराष्ट्रीय स्तरावर कच्च्या तेलाच्या किंमतीमध्ये मोठी वाढ झाली. या काळात कच्च्या तेलाची किंमत ही 82 डॉलरवरुन ती 111 डॉलरवर पोहोचली आहे. त्यामुळे या तीन कंपन्यांचं मोठं नुकसान झालं आहे. पाच महिन्यांनंतर 22 आणि 23 मार्चला देशातील पेट्रोल आणि डिझेलच्या(Petrol-diesel) किंमतीमध्ये वाढ करण्यात आली आहे.

मूडीजने आपल्या अहवालात सांगितलं आहे की, बाजारातील सध्याची स्थिती पाहता पेट्रोलियम वितरण कंपन्यांना पेट्रोलच्या विक्रीवर दररोज 25 डॉलर प्रति बॅरेल आणि डिझेलच्या किंमतीवर 24 डॉलर प्रतिबॅरेल नुकसान होत आहे.

Smart News:-