‘या’ बँकेच्या शेअर्समुळे गुंतवणूकदार मालामाल!

गेले दोन वर्ष देशावर कोरोनाचे संकट  होते. कोरोना काळात लावण्यात आलेल्या लॉकडाऊनमुळे सर्व उद्योगधंदे ठप्प होते. उद्योगधंदे ठप्प असल्याने याचा मोठा फटका हा कंपन्यांना बसल्याचे पहायला मिळाले. कंपन्यांना जसा फटका बसला तसाच हा फटका बँकांना देखील  बसला कोरोना काळात बँकांची उलाढाल मंदावल्याचे पहायला मिळाले.(best multibagger stock)

या सर्वांचा परिणाम हा शेअर मार्केटवर झाला. या काळात शेअर मार्केटवर विक्रीचा दबाव निर्माण झाल्याने अनेक कंपन्यांचे शेअर कोसळले. मात्र यामध्ये काही शेअर्स असे देखील होते, ज्यांनी एवढ्या कठिण परिस्थितीमध्ये गुंतवणूकदारांना निराश केले नाही. या शेअर्समुळे गुंतवणूकदारांना लाखो रुपयांची कमाई झाली. आज आपण अशाच एका शेअर्सबद्दल माहिती घेणार आहोत, ज्या शेअर्सने आतापर्यंत प्रत्येक चार वर्षाला गुंतवणूकदारांना दाम दुप्पट परतावा दिला आहे.(best multibagger stock)

दर चार वर्षाला गुंतवणूक डबल
हा शेअर आहे भारतातील दुसरी सर्वात मोठी बँक आयसीआयसीआय बँकेचा. या शेअरचा भाव 2009 नंतर प्रत्येक चार वर्षाला डबल होत आला आहे. एप्रिल 2009 मध्ये या शेअरची किंमत 65 रुपये इतकी होती. त्यानंतर चार वर्षांनी ऑगस्ट 2013 मध्ये या शेअर्सची किंमत दुपट्ट म्हणजे प्रति शेअर्स 150 रुपयांच्या जवळपास पोहोचली.

त्यानंतर पुढील चार वर्षात म्हणजेच जून 2017 मध्ये आयसीआयसीआय बँकेच्या शेअर्सची किंमत प्रति शेअर 305 रुपये झाली म्हणजेच डबल झाली. 2021 च्या सप्टेंबर तिमाहीमध्ये या शेअर्सच्या दरामध्ये तेजी आल्याचे पहायला मिळाले शेअर्सचे दर 720 रुपयांवर पोहोचले. वरील आकडेवारीवर नजर टाकल्यास आपल्याला असे दिसून येते की, आयसीआयसीआय बँकेच्या शेअर्समध्ये दर चार वर्षाला डबल वाढ झाली आहे.

सहावी सर्वात मोठी कंपनी
सध्या स्थितीमध्ये आयसीआयसीआय बँकेची मार्केट कॅप 4.95 लाख कोटी रुपये आहे. ही भारतीय शेअरबाजारातील सर्वात मोठी सहाव्या क्रमांकाची लिस्टेड कंपनी आहे. आयसीआयसीआय बँकेच्या पुढे रिलायन्स, टीसीएस, एचडीएफसी बँक, इंफोन्सिस आणि हिंदुस्तान युनिलिव्हर या कंपन्यांचा नंबर लागतो. या शेअर्सने परताव्यामध्ये सातत्य राखल्याने येणाऱ्या काळात देखील परतावा वाढण्याची शक्यता आहे. त्यामुळे जर आयसीआयसीआय बँकेच्या शेअर्समध्ये गुंतवणूक केल्यास पुढील काळात देखील चांगला परतावा मिळू शकतो असा अंदाज तज्ज्ञांकडून व्यक्त करण्यात येत आहे.

हेही वाचा :


अर्जुन तेंडुलकर बनला ‘मास्टर शेफ’

Leave a Reply

Your email address will not be published.