शेअर बाजाराची चाल पुढील आठवड्यात कशी असेल? जाणून घ्या!
गेला आठवडा भारतीय शेअर बाजारासाठी (Share Market) दिलासा देणारा ठरला. सततची घसरण थांबली आणि शेअर बाजारात पुन्हा हिरवाई परतली. सलग चार आठवड्यांच्या घसरणीनंतर प्रमुख निर्देशांक हिरव्या रंगात बंद झाले. या आठवड्यात सेन्सेक्स (Sensex) आणि निफ्टी (Nifty) जवळपास अडीच टक्क्यांनी वाढले आहेत. गेल्या काही आठवड्यांनंतर स्वस्त दरात उपलब्ध असलेल्या शेअर्समध्ये खरेदी हे त्याचे मुख्य कारण होते.
रशिया-युक्रेन संकटाचा (Russia-Ukraine War) परिणाम सध्या शेअर बाजारांवर कायम राहील, असे तज्ज्ञांचे मत आहे. याशिवाय पुढील आठवड्यात अमेरिकेत फेडरल रिझर्व्हची बैठक होणार आहे. यानंतर अमेरिकन सेंट्रल बँक व्याजदरात वाढ करण्याचा निर्णय घेईल. तो व्याजदर किती वाढवतो याकडे सर्वांचे लक्ष लागले आहे. वास्तविक, रशियाने युक्रेनवर केलेल्या हल्ल्यानंतर परिस्थिती बदलली आहे.
पेट्रोल डिझेलच्या दराबाबत शंका
दुसरीकडे, पाच राज्यांतील विधानसभा निवडणुकीची प्रक्रिया पूर्ण झाली आहे. आता तेल कंपन्या पेट्रोल आणि डिझेलचे दर कधीही वाढवू शकतात. पेट्रोल आणि डिझेलच्या दरात प्रतिलिटर किमान 10 ते 14 रुपयांनी वाढ होण्याची शक्यता तज्ज्ञांनी व्यक्त केली आहे. कदाचित तेल कंपन्यां ही वाढ एकाच वेळी न करता हळूहळू करतील.
शुक्रवार 18 मार्च रोजी बाजारात सुट्टी
पुढच्या आठवड्यात होळीचा सण आहे. त्यामुळे शुक्रवार, 18 मार्च रोजी बाजार बंद असेल. अशा स्थितीत केवळ चार दिवस बाजारात व्यवसाय असेल. सध्या बाजारात गुंतवणूकदार सावध आहेत. बाजाराच्या भविष्यातील वाटचालीबाबत संभ्रमात आहेत. येत्या काळात वस्तूंच्या किमती नरमल्या नाहीत, तर महागाई गगनाला भिडू शकते.
देशांतर्गत संस्थात्मक गुंतवणूकदारांकडून चांगली खरेदी
दुसरीकडे विदेशी संस्थात्मक (nifty) गुंतवणूकदारांच्या वृत्तीवरही बाजाराची वाटचाल अवलंबून असेल. आतापर्यंत त्याच्या वृत्तीत कोणताही बदल झालेला नाही. मात्र देशांतर्गत संस्थात्मक गुंतवणूकदारांनी चांगली खरेदी करून बाजारात जास्त दबाव येण्याचे टाळले आहे. मात्र वस्तूंच्या किमती वाढल्याने परदेशी गुंतवणूकदार चिंतेत आहेत. भारतासारख्या देशासाठी हे चांगले नाही, असे त्यांना वाटते. याचे कारण म्हणजे भारत आपल्या 85 टक्के इंधनाची गरज आयातीतून भागवतो.
हेही वाचा :
