stock market: रिझर्व्ह बँंकेच्या दरवाढीचे शेअर बाजाराला हादरे
महागाईला वेसण घालण्यासाठी रिझर्व्ह बँकेने व्याजदर वाढवण्याचा निर्णयाचे हादरे शेअर बाजाराला(stock market) बसले. गव्हर्नर शक्तिकांत दास यांच्या व्याजदर वाढीच्या घोषणेनंतर शेअर बाजारात प्रचंड घसरण झाली. चौफेर विक्रीच्या माऱ्यापुढे सेन्सेक्स १४०० अंकांनी तर निफ्टी ३७७ अंकांची घसरण झाली. या पडझडीत गुंतवणूकदारांचे सात लाख कोटींची नुकसान झाले.
गुंतवणूकदारांनी आज सकाळपासून चौफेर विक्री कायम ठेवली आहे. गुंतवणूकदारांनी एलआयसीच्या शेअर(stock market) खरेदीसाठी प्रचंड गर्दी केली आहे. मात्र दुसऱ्या बाजुला शेअर बाजारात मात्र विक्रीचा सपाटा सुरु आहे. रिझर्व्ह बँकेने अचानक केलेल्या व्याजदर वाढीने बाजारात नकारात्मक वातावरण तयार झाले. गुंतवणूकदारांनी पैसे काढून घेण्याचा सपाटा लावला.
सध्या सेन्सेक्स १४५० अंकांनी घसरला असून तो ५६२७० अंकावर आहे. निफ्टी ४३६ अंकांनी घसरला असून तो १६६३२ अंकांवर ट्रेड करत आहे. महागाईला आटोक्यात आणण्यासाठी रिझर्व्ह बँकेने रेपो दरात ०.४० टक्क्यांची वाढ करुन सर्वसामान्यांना धक्का दिला आहे. या दरवाढीनंतर बँकेचा रेपो दर ४.४० टक्के झाला असून सर्वच प्रकारची कर्ज महागणार आहेत.
बाजार खुला होताच गुंतवणूकदारांनी चौफेर विक्रीचा सपाटा लावला आहे. बँकां, वित्ती संस्था, पाॅवर, मेटल या क्षेत्रातील शेअरची जोरदार विक्री सुरु आहे. मुंबई शेअर बाजाराच्या सेन्सेक्स मंचावर ३० पैकी २४ शेअर घसरले आहेत. ज्यात टीसीएस, अल्ट्राटेक सिमेंट, एचसीएल टेक, आयसीआयसीआय बँक, मारुती, टेक महिंद्रा, एसबीआय, एचडीएफसी, अॅक्सिस बँक, महिंद्रा अॅंड महिंद्रा, टाटा स्टील, डाॅ. रेड्डी लॅब, टायटन, बजाज फिनसर्व्ह या शेअरमध्ये घसरण झाली आहे.
हेही वाचा :
