संपूर्ण कुटुंब संपलं; पती, पत्नी अन् ४ मुलांचा संशयास्पद शेवट

राजस्थानच्या (rajasthan) उदयपूर जिल्ह्यात एका कुटुंबाचा करुण शेवट झाला आहे. पती, पत्नी आणि चार मुलांचे मृतदेह संशयास्पद स्थितीत सोमवारी आढळून आले. या कुटुंबानं सामूहिक आत्महत्या केल्याचा संशय आहे. पप्पू आणि गमेती अशी आत्महत्या करणाऱ्या पती, पत्नीची नावं आहेत. पत्नी गमेती आणि तीन मुलांचे मृतदेह गळफास लावलेल्या स्थितीत सापडले. तर पत्नी आणि चार महिन्यांच्या मुलाचे मृतदेह बिछान्यात आढळून आले.

गोगुंदा (rajasthan) पोलीस ठाण्याच्या हद्दीत येणाऱ्या झाडौली गावात ही घटना घडली. कुटुंब प्रमुखानं मुलांची आणि पत्नीची हत्या करून आत्महत्या केल्याचा प्राथमिक अंदाज पोलिसांनी वर्तवला. कुटुंबाची आर्थिक परिस्थिती हलाखीची होत, अशी माहिती समोर आली आहे. पोलीस सर्व पैलू लक्षात घेऊन तपास करत आहेत. फॉरेन्सिक सायन्स लॅब आणि श्वानपथक घटनास्थळी पोहोचलं. या प्रकरणाचा पूर्ण तपास झाल्यानंतरच याबद्दलची माहिती देण्यात येईल, असं पोलिसांनी सांगितलं आहे.

मृत पप्पू तीन महिन्यांपूर्वी गुजरातच्या सूरतहून परतला होता. तो तिथे साफसफाईचं काम करायचा. तो बऱ्याच दिवसांपासून आजारी होता. त्यामुळे त्याला कामावर जाता येत नव्हतं. पप्पूचा लहान भाऊ दुर्गाराम सकाळी साडे आठच्या सुमारास घरी पोहोचला. त्याच्या भावानं आवाज दिला. मात्र बराच वेळ घरातून प्रतिसाद मिळाला नाही. त्यामुळे दुर्गाराम दार उघडून आत गेलं. त्यावेळी त्यांना आतमध्ये मृतदेह दिसले. याची माहिती दुर्गाराम यांनी ग्रामस्थांना दिली. यानंतर घराबाहेर गावकऱ्यांची गर्दी जमली. पोलिसांनी घटनास्थळी पोहोचून मृतदेह शवविच्छेदनासाठी पाठवले.

हेही वाचा: