गरिबांना धक्का! केंद्र सरकारच्या दोन महत्वाच्या विमा योजनांचा प्रिमीयम वाढला!

प्रधानमंत्री जीवन ज्योती विमा योजना आणि प्रधानमंत्री सुरक्षा विमा योजनामध्ये प्रतिकूल दाव्यांचा मोठा इतिहास आहे, अशा प्रकारे त्यांना आर्थिकदृष्ट्या टिकाऊ बनवण्यासाठी दोन्ही योजनांसाठी त्यांचे प्रिमीयम दर १.२५ रुपये प्रतिदिन करण्यात आले आहेत. सरकारने सात वर्षांत प्रथमच प्रिमीयम दर (premium rate) वाढवण्याचा निर्णय घेतला आहे. गेल्या आर्थिक वर्षाच्या अखेरीस म्हणजेच ३१ मार्च २०२२ पर्यंत प्रधानमंत्री जीवन ज्योती विमा योजना आणि प्रधानमंत्री सुरक्षा विमा योजना अंतर्गत सक्रिय सदस्यांची संख्या अनुक्रमे ६.४ कोटी आणि २२ कोटी होती.

किती रुपयांनी वाढला प्रीमीयम
प्रधानमंत्री जीवन ज्योती विमा योजनाचा प्रिमीयम दर (premium rate) १.२५ रुपये प्रतिदिन झाला आहे. अशाप्रकारे तो वार्षिक ३३० रुपयांवरून ४३६ रुपयांपर्यंत वाढला आहे. त्याच वेळी, प्रधानमंत्री सुरक्षा विमा योजनासाठी वार्षिक प्रिमीयम १२ रुपयांवरून आता २० रुपये करण्यात आला आहे. नवीन प्रिमीयम दर १ जून २०२२ पासून लागू होणार आहेत. अशा प्रकारे प्रधानमंत्री जीवन ज्योती विमा योजचा प्रिमीयम ३२ टक्के आणि प्रधानमंत्री सुरक्षा विमा योजनेचा दर ६७ टक्क्यांनी वाढला आहे. या योजनेंतर्गत करण्यात आलेल्या दाव्यांच्या आधारे हा निर्णय घेण्यात आला आहे.

प्रधानमंत्री सुरक्षा विमा योजना सादर झाल्यापासून ३१ मार्च २०२२ पर्यंत प्रिमीयम म्हणून १,१३४ कोटी रुपये जमा झाले आहेत आणि २,५१३ कोटी रुपयांचे दावे अदा करण्यात आले आहेत. याशिवाय, प्रधानमंत्री जीवन ज्योती विमा योजने अंतर्गत प्रिमीयम म्हणून ९,७३७ कोटी रुपये जमा करण्यात असून आतापर्यंत १४,१४४ कोटी रुपयांचे दावे अदा करण्यात आले.

पंतप्रधान नरेंद्र मोदी यांच्या भारताला संपूर्ण विमाधारक समाज बनवण्याच्या दृष्टीकोनातून पुढील पाच वर्षांत प्रधानमंत्री जीवन ज्योती विमा योजना अंतर्गत कव्हरेज ६.४ कोटींवरून १५ कोटी आणि प्रधानमंत्री सुरक्षा विमा योजना कव्हरेज २२ कोटींपर्यंत वाढवण्यात आले आहे, असे सरकारने जारी केलेल्या निवेदनात म्हटले आहे. याशिवाय ३७ कोटींपर्यंत वाढवण्याचे उद्दिष्ट ठेवण्यात आले आहे.

४ लाखांपर्यंतचे विमा संरक्षण
प्रधानमंत्री जीवन ज्योती विमा योजनेत बँक किंवा पोस्ट ऑफिस खाते असलेल्या १८-५० वर्षे वयोगटातील लोकांना कोणत्याही कारणामुळे मृत्यू झाल्यास २ लाख रुपयांचे जीवन विमा संरक्षण देते. दुसरीकडे, प्रधानमंत्री सुरक्षा विमा योजनेत अपघाती मृत्यू किंवा एकूण कायमस्वरूपी अपंगत्वासाठी २ लाख रुपये आणि १८-७० वयोगटातील लोकांना आंशिक कायमस्वरूपी अपंगत्वासाठी १ लाख रुपये विमा संरक्षण प्रदान करते.

हेही वाचा :


सांगली : युनियन बँकेला पावणेतीन कोटींचा गंडा!

Leave a Reply

Your email address will not be published.