‘ऐश्वर्या रायसकटच तुझं सगळं सत्य बाहेर आणेन’;
बॉलिवूडचा सुपरस्टार सलमान खान त्याच्या सिनेमांच्या बरोबरीनं त्याच्या प्रेमप्रकरणावरूनही चर्चेत असतो. सलमान खानचं नाव आतापर्यंत संगीता बिजलानी, सोमी अली, ऐश्वर्या राय यांच्याबरोबर जोडण्यात आलं आहे. सलमान आणि ऐश्वर्याच्या नात्याची खूप चर्चा झाली होती. इतकंच नाही तर त्यानंतर सलमाननं दारूच्या नशेच ऐश्वर्याला माराहाण केल्याचीही खूप चर्चा होती. सलमानवर असेच काहीसे आरोप त्याची आधीची गर्लफ्रेंड सोमी अली हिनं देखील केले आहेत. सोमीनं सोशल मीडियावर (social media) पोस्ट करत तिच्या आणि सलमानच्या नात्याबद्दल काही गंभीर खुलासे केले आहेत.
काय लिहिले आहे सोमीनं?
सोमी अलीनं सोशल मीडियावर एक (social media) पोस्ट शेअर केली आहे. त्या पोस्टमध्ये तिनं सलमान खान आणि भाग्यश्रीच्या ‘मैंने प्यार किया’ सिनेमातील एक स्क्रिन शॉटशेअर केला आहे. हा शॉट शेअर करत सोमीनं लिहिलं आहे की, ‘बॉलिवूडमधील हार्वी वीन्सटीन…एक दिवस तुझा देखील पर्दाफाश होईल. ज्या ज्या महिलांबरोबर तू वाईट वागला आहेस, त्यांचं शोषण केलं आगे. एक दिवस त्या सगळ्याजणी पुढं येऊन सत्य सांगतील. जसं ऐश्वर्या राय बच्चन हिनं केलं होतं…’
कोण आहे हार्वी वीन्सटीन?
हार्वी वीन्सटीन हा हॉलिवूडमधील प्रसिद्ध निर्माता आणि दिग्दर्शक आहे. हार्वीवर अनेक महिलांचं, अभिनेत्रींचं शोषण करत त्यांना माराहण केल्याचा आरोप आहे. तसंच त्यांच्यावर बलात्कार करून त्यांना धमकावल्याचाही आरोप ठेवण्यात आला आहे. ज्यांनी हार्वीवर आरोप केले आहेत, त्यामध्ये केट ब्लँकेट, लीजा कँपबेल, एवा ग्रीन, ऐंजिलना जोली यांसारख्या प्रसिद्ध अभिनेत्रींचा समावेशआहे. त्यानंतर हार्वी याला न्यायालयानं २३ वर्षांच्या कारावासाची शिक्षा दिली होती.
ऐश्वर्याला केली होती मारहाण
प्रसिद्ध अभिनेत्री ऐश्वर्या राय आणि सलमान खान हे रिलेशनमध्ये होते. परंतु कालांतरानं त्यांच्यात भांडण होत असल्याच्या बातम्या समोर आल्या. त्यावेळी अशी ही बातमी समोर आली की, दारूच्या नशेत सलामाननं ऐश्वर्या राय हिला मारहाण केली. त्यानंतरही तिला अनेकदा फोन करून धमकी ही दिली होती. अर्थात सलमाननं हे आरोप कायम फेटाळून लावले आहेत.
सोमी सलमानची पहिली गर्लफ्रेंड
मूळ पाकिस्तानी असलेली सोमी ही अमेरिकन नागरिक आहे. सोमीला सलमान खान खूप आवडायचा. त्यामुळेच ती १६ व्या वर्षी भारतामध्ये आली. सोमी काही काळ सलमानची गर्लफ्रेंड होती. परंतु त्यांचं नात फार काळ टिकलं नाही. १९९९ मध्ये त्यांच्या नात्याला पूर्णविराम मिळाला आणि नंतर सोमी अमेरिकेला परत गेली. अमेरिकेला गेल्यानंतर सोमीनं तिचं शिक्षण पूर्ण केलं आणि आता ती एक एनजीओ चालवत आहे.
हेही वाचा :
