आलिया भटसोबत लग्नाबद्दल विचारल्यावर रणबीर कपूर म्हणाला…

काही दिवसांपूर्वी आलिया भटचा सब्यसाचीसोबतचा फोटोही व्हायरल झाला होता, त्यानंतर आलिया अखेर रणबीर कपूरसोबत लग्न करणार असल्याचा अंदाज चाहत्यांनी वर्तवला होता. याशिवाय रणबीर आणि आलिया डिझायनर बिना काननसोबतही स्पॉट झाले होते. दोघांनीही लग्नाची(Wedding Proposal) खरेदी सुरू केली आहे का, असा प्रश्न चाहत्यांना सतत पडतो. नुकत्याच झालेल्या एका मुलाखतीत रणबीर कपूरने लग्नाच्या तारखेशी संबंधित प्रश्नावर प्रतिक्रिया दिली. रणबीरने सांगितले की, तो आणि आलिया लग्न करण्याच्या मूडमध्ये आहेत आणि दोघेही लवकरच लग्नाच्या बंधनात अडकणार आहेत.

रणबीर आणि आलिया अनेक वर्षांपासून एकमेकांसोबत रिलेशनशिपमध्ये आहेत. २०१८ मध्ये, जेव्हा दोघांनी ‘ब्रह्मास्त्र’ (Brahmastra) चित्रपटाच्या शूटिंगला सुरुवात केली तेव्हा त्यांच्या प्रेमाला बहर आला. नुकतेच या दोघांनी वाराणसीमध्ये चित्रपटाचे शूटिंग पूर्ण केले. ही पहिलीच वेळ असेल जेव्हा रणबीर कपूर आणि आलिया भट एकत्र स्क्रीन शेअर करताना दिसणार आहेत. चाहत्यांना प्रश्न पडला आहे की, चित्रपट रिलीज होण्याआधी दोघेही लग्नगाठ(Wedding Proposal) बांधत आहेत का?

आलिया भटसोबतच्या लग्नाच्या तारखेवर प्रतिक्रिया देताना रणबीर कपूर म्हणाला, “मला पागल कुत्रा चावलेले नाही की मी लग्नाची तारीख मीडियासमोर जाहीर करायला. पण मी हे नक्की सांगू शकतो की मी आणि आलिया दोघेही लग्नाला तयार आहोत. आम्ही नियोजन करत आहोत. आशा आहे की ते लवकरच होईल.” अभिनेत्याने लग्नाची तारीख उघड करण्यास नकार दिला.