डिसेंबर 2024 मध्ये वस्तू आणि सेवा कर (जीएसटी) संकलनात मोठी वाढ दिसून आली आहे. 1 जानेवारी रोजी जाहीर झालेल्या आकडेवारीनुसार, डिसेंबरमध्ये जीएसटी(GST) संकलन वार्षिक आधारावर 7.3 टक्क्यांनी वाढून, 1.77 लाख कोटी रुपये झाले आहे. जे डिसेंबर 2023 मध्ये जीएसटी संकलन 1.65 लाख कोटी रुपये होते.
डिसेंबरमध्ये 1.77 लाख कोटी रुपयांचा हा आकडा सलग दहाव्यांदा 1.7 लाख कोटी रुपयांच्या अधिक जीएसटी(GST) संकलन दर्शवतो. तथापि, आणखी एक सत्य हे आहे की, एप्रिल 2024 साठी 2.1 लाख कोटी रुपयांच्या जीएसटी संकलनामागे आहे. त्याच वेळी, जीएसटीची ही वाढ देखील गेल्या 3 महिन्यांतील सर्वात कमी आहे. मात्र, मागील तिमाहीपेक्षा जीएसटी संकलन चांगले झाले आहे.
ऑक्टोबर-डिसेंबर 2024 मधील सरासरी जीएसटी संकलन पाहिल्यास, ते 1.82 लाख कोटी रुपये झाले आहे. तर मागील तिमाहीत म्हणजे जुलै-सप्टेंबर 2024 दरम्यान, सरासरी जीएसटी संकलन 1.77 लाख कोटी रुपये होते. गेल्या वर्षीच्या याच तिमाहीशी तुलना केल्यास, हे जीएसटी संकलन 8.3 टक्के अधिक आहे.
दरम्यान, गेल्या नोव्हेंबर महिन्यात देखील जीएसटी संकलनात मोठी वाढ झाली होती. अर्थ मंत्रालयाच्या आकडेवारीनुसार, एप्रिल ते नोव्हेंबर या कालावधीत 14.57 लाख कोटी रुपयांचे संकलन झाले आहे. तर नोव्हेंबर महिन्यात 1.82 लाख कोटी रुपयांचे जीएसटी संकलन झाले होते. ऑक्टोबरमध्ये सकल जीएसटी संकलन 9 टक्क्यांनी वाढून 1.87 लाख कोटींहून अधिक झाले होते. ऑक्टोबरमध्ये केंद्रीय जीएसटी संकलन 33,821 कोटी रुपये, राज्य जीएसटी 41,864 कोटी रुपये, एकात्मिक आयजीएसटी रुपये 99,111 कोटी आणि उपकर 12,550 कोटी रुपये होते.
हेही वाचा :
चॅम्पियन्स ट्रॉफी, आशिया कपवर नजर… 2025 मध्ये कसं असेल भारतीय क्रिकेट संघाचं शेड्युल?
‘या’ कारणामुळे तरुण मुलींच्या मानसिक आरोग्याला धोका
क्रिकेटर शिखर धवनचे ‘या’ प्रसिद्ध बॉलिवूड अभिनेत्रीसोबतचे स्विमिंग पूलमधील ‘ते’ फोटो व्हायरल