खाद्यतेलाचा पुनर्वापर टाळा; अन्यथा कारवाई अन्न व औषध प्रशासनाचा व्यावसायिकांना इशारा

ज्या अन्न व्यावसायिकांकडून ५० लिटरपेक्षा जास्त खाद्यतेलाचा तळण्यासाठी वापर केला जातो, अशा व्यावसायिकांनी खाद्यतेलाच्या पुनर्वापराची लेखी माहिती ठेवावी. उपयोगात आलेल्या खाद्यतेलाची माहिती अन्न सुरक्षा व मानद प्राधिकरण, नवी दिल्ली या मान्यताप्राप्त संस्थेकडे द्यावी. तसेच, त्याबाबतचा अभिलेख जतन करावा अशी तरतूद आहे. या नियमाचे उल्लंघन करणाऱ्यांविरुद्ध अन्न सुरक्षा मानद कायदा कलम ५५, ५७ व ५८ आणि भा.दं.वि. कलम २७२ व २७३ नुसार कारवाईची तरतूद आहे.