थंडीच्या दिवसांमध्ये (Health)आरोग्यासंबंधित अनेक समस्या उद्भवू लागतात. त्यामुळे या ऋतूमध्ये आरोग्याची जास्त काळजी घेतली जाते. तसेच आहारामध्ये वेगवेगळ्या भाज्यांचे सेवन करणे आवश्यक आहे. या दिवसांमध्ये बाजारात हिरव्या पालेभाज्यांसह इतर अनेक प्रकारच्या भाज्या, फळे उपलब्ध असतात.
त्यामुळे दैनंदिन आहारात या भाज्या, फळांचे नियमित सेवन केल्यास (Health)आरोग्याला अनेक फायदे होतील. या भाज्यांमध्ये सगळ्यात फायदेशीर असलेली भाजी म्हणजे पांढऱ्या रंगाचा मुळ. चवीला तिखट असलेला मुळा खाल्यामुळे आरोग्याला अनेक फायदे होतात. यामध्ये अनेक पोषक घटक आढळून येतात, जे शरीरासाठी अत्यंत महत्वाचे आहेत.
शरीरात वाढलेले खराब कोलेस्ट्रॉल काढून टाकण्यासाठी मुळा फायदेशीर ठरतो. शिवाय यामुळे मूळव्याधीची समस्या कमी होते. त्यामुळे आज आम्ही तुम्हाला मुळा भाजीचे सेवन केल्यामुळे आरोग्याला नेमके काय फायदे होतात, याबद्दल सांगणार आहोत. चला तर जाणून घेऊया.
चुकीचा आहार, खाण्यापिण्याच्या सवयींमध्ये सतत होणारे बदल, तेलकट तिखट पदार्थांचे अतिसेवन, झोपेची कमतरता इत्यादी गोष्टींचा शरीरावर नकारात्मक परिणाम दिसून येतो. ज्यामुळे शरीरात कोलेस्ट्रॉल, मधुमेह इत्यादी गंभीर आजार वाढण्याची शक्यता असते.
त्यामुळे शरीरात वाढलेले खराब कोलेस्ट्रॉल नियंत्रणात ठेवण्यासाठी आहारात मुळ्याचे सेवन करावे. मुळा खाल्यामुळे कोलेस्ट्रॉलची पातळी नियंत्रणात राहते आणि आरोग्य सुधारण्यास मदत होते. कोलेस्टरॉलमुळे ब्लॉक झालेल्या नसा स्वच्छ करण्यासाठी आहारात मुळ्याचे सेवन करावे.
मुळ्यामध्ये मुबलक प्रमाणात अँटीऑक्सिडंट्स आणि पोटॅशियम आढळून येते, ज्यामुळे हृदयाचे आरोग्य निरोगी राहते. मुळा खाल्यामुळे हृदयाची कार्यक्षमता वाढू लागते आणि आरोग्याला फायदे होतात. उच्च रक्तदाबाच्या समस्येने त्रस्त असलेल्या लोकांनी आहारात मुळ्याचे सेवन करावे. यामुळे रक्तवाहिन्यांवर ताण येत नाही. ज्यामुळे हृदयविकाराचा धोका कमी होतो.
हेही वाचा :
नववर्षात दागिने खरेदीसाठी तयारी? जाणून घ्या आजचा सोन्याचा दर
‘या’ 3 राशींचे भाग्य उजळणार! शुक्र-शनिच्या युतीमुळे सोन्याचे दिवस येणार
सकाळच्या नाश्त्यात चहासोबत खाण्यासाठी सोप्या पद्धतीमध्ये बनवा ‘क्रिस्पी चीझ बटाटा’