हत्तीच्या पिसाळलेल्या तांडवाने केरळ हादरलं; थरारक व्हिडिओ पाहून अंगावर काटा! Video Viral

हत्ती (elephant)हा तसा शांत प्रवृत्तीचा प्राणी आहे. तुम्ही आपलं काम करा मी माझं काम करतो अशा आवेगात तो आपलं आयुष्य जगतो. शिवाय हत्ती हा फारच बुद्धीशील प्राणी असल्यामुळे माणसांसोबतही त्याचं चांगलं पटतं.

परिणामी अनेकदा सांस्कृतिक कार्यक्रमांमध्ये आपण(elephant)हत्तींना पाहातो. मात्र हत्ती जो पर्यंत शांत आहे तो पर्यंत सर्वकाठी ठीक. पण एकदा का त्याला राग आला की मग काही खरं नाही. त्याच्या क्रोधापुढे अख्खं जंगल थरथरतं. अन् याचिच प्रचिती देणारा एक व्हिडीओ समोर आला आहे.

केरळमध्ये एका सांस्कृतिक कार्यक्रमात हत्ती पिसाळला. आणि हजारोंच्या गर्दीमध्ये त्यानं काय केलं हे आता तुम्हीच पाहा. हत्तीचं हे रौद्र रूप पाहून तुमच्याही मनात धडकी भरल्याशिवाय राहणार नाही.

ही घटना केरळमधील मलप्पुरम जिल्ह्यात घडली आहे. तर त्याचं झालं असं की, या ठिकाणी दरवर्षी पुथियांगडी हा उत्सव साजरा केला जातो. या उत्सवात हत्तींचा वापर केला जातो. पण यावेळी इतकी प्रचंड गर्दी पाहून एक हत्ती वैतागला आणि त्यानं रागाच्या भरात लोकांवर हल्ला करण्यास सुरूवात केली.

समोर आलेल्या माहितीनुसार या हत्तीचं नाव पक्कथु श्रीकुट्टन असं आहे. त्यानं केलेल्या हल्ल्यात जवळपास १७ लोकं गंभीर जखमी झाले आहेत. अन् त्यांच्यावर सध्या रूग्णालयात उपचार सुरू आहेत.

व्हायरल होत असलेल्या व्हिडीओमध्ये तुम्ही हत्तीनं केलेला हल्ला पाहू शकता. लोकं वाट मिळेल तिथे पळत होती. दरम्यान एका व्यक्तीला हत्तीनं आपल्या सोंडेवर उचललं आणि गरागरा फिरवून फेकून दिलं.

या व्यक्तीची प्रकृती फारच गंभीर असल्याचं सांगितलं जातेय. हत्तीच्या गोंधळामुळे प्रचंड चेंगराचेंगरी झाली अन् त्यामध्ये सुद्धा शेकडो लोक जखमी झाले. या हत्तीला शांत करण्यासाठी सुमारे दोन तास लागले. पण तोपर्यंत कार्यक्रमाची पार तीन-तेरा वाजून गेले होते.

व्हिडीओ व्हायरल झाल्यानंतर वन विभागाच्या अधिकाऱ्यांनी या प्रकरणाची चौकशी सुरू केली आहे. पण हत्ती नेमका का पिसाळला याबाबत मात्र नेमकं कारण अद्याप समोर आलेलं नाही. शेकडो लोक आशीर्वाद घेत असताना त्याच्या शरीराला स्पर्श करत होते.

अन् हा स्पर्श हत्तीला आवडला नाही. त्यामुळे हत्तीनं चिढून हल्ला केला असावा असा अंदाज वर्तवला जात आहे. कारण असे प्रकार यापूर्वी देखील केरळमध्ये घडले आहेत. कार्यक्रांमध्ये हत्तींनी पिसाळून गोधळ घातला आहे. असो, पण तुम्हाला काय वाटतं या हत्तीनं हल्ला का बरं केला असेल?

हेही वाचा :

VIDEO : गई भैंस पाणी में नहीं, थेट छतावर! पाहून नेटकरीही थक्क, कमेंट्समुळे धमाल!

लाडक्या बहिणींना वसुलीची भीती; लाभ नाकारण्यासाठी स्वत:हून अर्ज…

मी आहे माफिया… शाहिद कपूरची पोलिसाच्या दमदार भूमिकेत एंट्री, ‘देवा’चा ट्रेलर धमाकेदार