‘महिलांना गर्भवती करा अन् कमवा 5 लाख रुपये’, विचित्र ऑफरमुळे शहरात खळबळ

निपुत्रिक महिलांना गर्भवती (pregnant)करा आणि लाखो कमवा… अशा अनेक जाहिराती गेल्या काही दिवसांपासून बिहारच्या नवादामध्ये सर्वत्र पाहायला मिळत होत्या. अनेकांनी जाहिरातीखाली दिलेल्या क्रमांकावर संपर्क साधला.

तेव्हा त्यांना समोरून सांगण्यात आले की, ज्या महिलांना मूल होत नाही, त्यांना गर्भधारणा करावी लागेल. महिला गरोदर राहिल्यास तुम्हाला ५ लाख रुपये मिळतील. महिला(pregnant) गरोदर राहिली नाही तरी तुम्हाला ५० हजार रुपये नक्कीच मिळतील.

पैसे मिळवण्याच्या लालसेपोटी अनेकांनी ही नोकरी करण्यास होकार दिला. पण त्यांचे पुढे काय होणार हे त्यांना माहीत नव्हते. जाहिरातदारांनी नोंदणीच्या नावाखाली त्या लोकांकडून फी वसूल करण्यास सुरुवात केली.

पण लोकांनी फी भरताच जाहिरातदार त्यांना ब्लॉक करायचे. अशा अनेक फसवणुकीच्या घटना पोलिसांच्या निदर्शनास आल्यानंतर त्यांनी या प्रकरणाचा तपास सुरू केला. लोकांची फसवणूक करणाऱ्या या टोळीचा लवकरच पोलिसांना शोध लागला.

नवादा पोलिसांनी नरदीगंज पोलीस स्टेशन हद्दीतील कहुआरा गावात छापा टाकून ३ सायबर गुन्हेगारांना अटक केली आहे. पोलिसांनी पकडलेले हे दुष्ट सायबर ठग लोकांना ऑल इंडिया प्रेग्नंट जॉब (बेबी बर्थ सर्व्हिस), प्ले बॉय सर्व्हिस या नावाने फोन करून फसवणूक करत होते. फसवणूक करणाऱ्यांना अटक केल्यानंतर या आरोपींनी किती लोकांची फसवणूक केली आहे, याचा शोध पोलिस घेत आहेत.

पोलिसांनी दिलेल्या माहितीनुसार, सायबर ठग देशाच्या विविध राज्यांतून लोकांना फोन करून सांगत असतात की, त्यांना एक काम करायचे आहे ज्यामध्ये त्यांना मुले होऊ शकत नसलेल्या महिलांना गरोदर बनवायचे आहे.

या कामाच्या बदल्यात तुम्हाला ५ लाख रुपये मिळतील. मूल नसले तरी 50,000 रुपये दिले जातील. जेव्हा एखादी व्यक्ती या कामासाठी तयार होते तेव्हा फसवणूक करणारे 500 रुपयांपासून ते 20 हजार रुपयांपर्यंत नोंदणी शुल्काच्या नावाखाली ऑनलाइन पेमेंट करायचे. त्यांनी अनेक ठिकाणी जाहिरातीही दिल्या. हे वाचून स्वत: लोकांनीही त्याच्याशी संपर्क साधला.

या सायबर गुन्हेगारांकडून पोलिसांनी 6 अँड्रॉईड मोबाईल जप्त केले आहेत. मोबाईलच्या तपासणीत फोनच्या गॅलरीत व्हॉट्सॲपचे फोटो, ऑडिओ आणि व्यवहाराचा तपशीलही सापडला. राहुल कुमार (19), भोला कुमार (20) आणि प्रिन्स राज उर्फ ​​पंकज कुमार (20) अशी आरोपींची नावे आहेत.

हे सर्व जण नवादा येथील नरदीगंज पोलीस स्टेशन हद्दीतील कहुआरा गावचे रहिवासी आहेत. या छाप्यात ३ सायबर गुन्हेगारांना अटक करण्यात आल्याचे डीएसपींनी सांगितले. पोलिसांनी या टोळीच्या संपूर्ण नेटवर्कचा तपास सुरू केला आहे. त्यांच्याकडून जप्त केलेल्या मोबाईलची तपासणी करण्यात येत आहे.

हेही वाचा :

बोट दुर्घटनेचा थरार! काही क्षणातच शेकडो लोक झाली समुद्रात विलीन Viral Video

छगन भुजबळ : अडचणींच्या गराड्यात राजकीय वाटचाल

आज लाँच होणार OnePlus चे दोन ब्रँड न्यू स्मार्टफोन!