कारवाईच्या धमकीनंतर शिंदे गट आक्रमक…

एकनाथ शिंदे यांनी शिवसेनेतील 40च्यावर आमदार फोडत गुवाहाटी येथून सवता सुभा मांडण्याची गणिते मांडत आहेत. दरम्यान शिवसेनेचे धनुष्यबाण चिन्ह घेण्याच्या तयारीत असलेल्या एकनाथ शिंदे गटातील 12 आमदारांचे निलंबण करण्याची तयारी उद्धव ठाकरेंकडून सुरू आहे. यामुळे एकनाथ शिंदे आणि ठाकरे (today political news ) यांच्यातील वाद विकोपाला जाण्याची शक्यता आहे. अरविंद सावंत यांनी कारवाई करणार असल्याचे सांगताच एकनाथ शिंदे गटाकडून तातडीने बैठक बोलवण्यात आली आहे. या बैठकीत काय निर्णय घेणार याकडे सर्वांचे लक्ष लागून राहिले आहे.

खासदार अरविंद सावंत काय म्हणाले

एकनाथ शिंदेंना प्रत्युत्तर देत शिवसेनेने बंडखोर आमदारांपैकी 12 जणांची आमदारकी रद्द करा अशी मागणी विधानसभा उपाध्यक्षांकडे अरवींद सांवत यांनी केली आहे. यासंदर्भात कायदेशीर पिटीशन दाखल केल्याचंही शिवसेना नेत्यांकडून सांगितलं जात आहे. पक्षाच्या विधीमंडळ बैठकीत गैरहजर आणि व्हिप काढला असुन सुद्धा न आल्याचं कारण देत शिवसेनेकडून 12 आमदारांविरोधात कारवाई करणार असल्याचे सांगण्यात आले आहे.(today political news )

शिवसेनेचे बंडखोर नेते एकनाथ शिंदे यांनी नुकतंच एक नवं ट्विट केलं आहे. या ट्विटमध्ये त्यांनी ठाकरे सरकारला  उद्देशून आपण घाबरत नसल्याचं म्हटलं आहे. “कोणाला घाबरवण्याचा प्रयत्न करताय? तुमची बनवाबनवी आणि कायदा आम्हालाही कळतो! घटनेच्या 10 व्या परिशिष्टाप्रमाणे (शेड्युल) व्हीप हा विधानसभा कामकाजासाठी लागतो, बैठकीसाठी नाही. यासंदर्भात सुप्रीम कोर्टाचे असंख्य निकाल आहेत”, असं एकनाथ शिंदे म्हणाले.

“12 आमदारांविरोधात कारवाईसाठी अर्ज करून तुम्ही आम्हाला अजिबात घाबरवू शकत नाही. कारण आम्हीच वंदनीय शिवसेनाप्रमुख बाळासाहेब ठाकरे यांची खरी शिवसेना व शिवसैनिक आहोत”, असंदेखील ते म्हणाले. “आम्ही कायदाही जाणतो, त्यामुळे असल्या धमक्यांना भीक घालत नाही. तुम्ही संख्या नसताना अवैध गट तयार केला म्हणून तुमच्यावरच कारवाईची आमची मागणी आहे”, असं शिंदे म्हणाले.

हेही वाचा :


खाण्यापूर्वी 6 तास सुका मेवा पाण्यात भिजवा, आयुर्वेदानुसार होतील जबरदस्त फायदे

Leave a Reply

Your email address will not be published.