रामनवमीचा सर्वत्र उत्साह, पंतप्रधान मोदींनी दिल्या खास शुभेच्छा

ram navami

आज रामनवमी (ram navami). रामनवमीचा आज देशभरात उत्साह आहे. चैत्र शुद्ध नवमी हा हिंदू पंचागानुसार चैत्र महिन्यातील नवरात्राचा नववा दिवस आहे. या तिथीस भगवान विष्णूचा सातवा अवतार समजले गेलेले श्री राम यांचा जन्म झाला, अशी मान्यता आहे. हा दिवस श्री रामनवमी (ram navami) म्हणून साजरा करतात. त्या दिवशी दुपारी सूर्य डोक्यावर आल्यावर (दुपारी 12 वाजता) रामजन्माचा सोहळा होतो.

श्री रामांच्या चित्रास वा मूर्तीस इतर हारांसमवेतच गाठीपण घालतात. श्री रामांची पूजा करताना त्यांना करंगळीजवळच्या बोटाने, म्हणजेच अनामिकेने गंध लावतात. तसेच श्री रामांना हळद-कुंकू वाहताना. आधी हळद अन् नंतर कुंकू, उजव्या हाताच्या अंगठा आणि अनामिका यांच्या चिमटीत घेऊन चरणांवर वाहतात. श्रीरामांना केवडा, चंपा, चमेली अन् जाई ही फुले वाहतात. त्यानंतर आरती करून प्रसाद वाटतात. रामजन्माच्या दिवशी साजरा केल्या जाणाऱ्या उत्सवात रामजन्माचा पाळणा अवश्य म्हटला जातो.

राम नवमी 2022 चा शुभ मुहूर्त :

राम नवमी तारीख – 10 एप्रिल 2022, रविवार
नवमी तिथी सुरू – 10 एप्रिल रोजी रात्री उशिरा 1:32 मिनिटांपासून सुरू
नवमी तिथी समाप्त – 11 एप्रिल रोजी पहाटे 03:15 पर्यंत
पूजेचा मुहूर्त – 10 एप्रिल सकाळी 11:10 ते 01:32 मिनिटे

राम नवमीसाठी लागणारी हवन सामग्री

आंब्याचं लाकूड, आंब्याची पानं, पिंपळाचं पान, बेल, लिंबाची पानं, ,बेल, नीम, उंबराची साल, चंदनाचं लाकूड, अश्वगंधा, गुळवेलची मुळी, कापूर, तीळ, तांदूळ, लवंग, गाईचं तूप, विलायची, साखर, नवग्रहाचं लाकूड, पंचामृत, नारळ, जवस

राम नवमी पूजा पद्धत :

रामनवमीच्या दिवशी सकाळी लवकर उठून स्नान वगैरे आटोपल्यानंतर स्वच्छ कपडे घालावे. त्यानंतर कुटुंबातील सर्व सदस्यांनी भगवान श्री राम, लक्ष्मण आणि माता सीता यांची विधिपूर्वक पूजा करावी. पूजेपूर्वी त्यांना कुंकुम, सिंदूर, रोळी, चंदन इत्यादींनी तिलक करावं आणि बांधावर तांदूळ आणि तुळस अर्पण करावी. रामनवमीच्या दिवशी भगवान विष्णूचा अवतार श्री राम यांना तुळशी अर्पण केल्याने ते लवकर प्रसन्न होतात. पूजेमध्ये देवतांना फुले अर्पण करावे. त्यानंतर तुपाचा दिवा आणि अगरबत्ती लावल्यानंतर श्री रामचरित मानस, रामरक्षा स्तोत्र किंवा रामायणाचे पठण करावे. श्री राम, लक्ष्मणजी आणि माता सीता यांना झुलवल्यानंतर त्यांची आरती करा आणि भक्तांमध्ये प्रसादाचे वाटप करावा.

 

Smart News:-

राज्यात आज एकही कोरोनाबाधिताचा मृत्यू नाही; 90 नवीन रुग्णांची नोंद


“बाळासाहेबांची शिवसेना काँग्रेस-राष्ट्रवादीच्या दावणीला बांधली”, भाजप नेत्याचा घणाघात


राज्यातील ‘या’ जिल्ह्यात अवकाळी पावसाची हजेरी, पिकाचं नुकसान…


राज्यात आज एकही Corona बाधिताचा मृत्यू नाही; 90 नवीन रुग्णांची नोंद

Leave a Reply

Your email address will not be published.