राज्याचा महसूल वाढवण्यासाठी सरकारकडून जोरदार हालचाली सुरू झाल्या आहेत. त्यात मद्य महसूली उत्पन्नाचा मोठा स्त्रोत आहे. त्यामुळे महसूल वाढीसाठी दारुवरील कर वाढण्याच्या तयारीत सरकार आहे. दारू(Alcohol) विक्रीस चाप लावत सरकार महसूल वाढवण्याचा प्रयत्न करणार आहे. गृहनिर्माण विभागाच्या अप्पर मुख्य सचिवांच्या अध्यक्षतेखाली समिती गठीत करण्यात आली आहे. त्याबाबत शासन निर्णय देखील जारी करण्यात आला आहे.
राज्य उत्पादन शुल्क विभागामार्फत महसूल वाढीसाठी सरकार प्रयत्न करणार आहे. यासाठी सरकारकडून पाच सदस्यीय समितीला अभ्यास करण्याच्या सूचना दिल्या आहेत. ही समिती मद्य निर्मिती धोरण, अनुज्ञप्ती प्रकार, उत्पादन शुल्क आणि कर संकलन वाढीचा अभ्यास करणार आहे. चांगल्या पद्धती आणि धोरणांचा अभ्यास करण्यासाठी समितीला २ महिन्यांची मुदत देण्यात आली आहे.
महसूल वाढीसाठी या उपाययोजनां
-विदेशी मद्याच्या(Alcohol) आयात करात वाढ होऊ शकते
अनुज्ञप्तीसाठी आकारण्यात येणाऱ्या शुल्कात वाढ होण्याची शक्यता
देशी, विदेशी मद्याच्या उत्पादन शुल्कात वाढ करत महसूल वाढीची शिफारस समिती करू शकते
दरवर्षी नुतनीकरण होणाऱ्या परवाना शुल्कात ही वाढ होऊ शकते
एकूणच मद्याच्या कर व शुल्कात वाढ केल्यामुळे तळीरामांना आर्थिक चटका सहन करावा लागू शकतो
हेही वाचा :
वर्कआउट करताना रश्मिका मंदाना झाली जखमी?
महाविकास आघाडीमध्ये वार पलटवार; ‘ती’ टीका लागली कॉंग्रेसच्या जिव्हारी, वडेट्टीवारांनी दिले प्रत्युत्तर
देशपातळीवरील ‘इंडिया आघाडी’ विसर्जित होणार? महाराष्ट्रातील नेत्यांच्या नाराजीनाट्यमुळे बसणार फटका