दरवर्षी जून महिन्यातील तिसरा रविवार हा पितृदिन म्हणून जगभरात साजरा(father day) केला जातो. त्यानुसार यावर्षी 16 जून रोजी पितृदिन साजरा केला जात आहे. त्याचनिमित्ताने अनेकांनी विविध स्वरुपात आपल्या वडिलांबद्दलचा आदर आणि प्रेम व्यक्त केले आहे. याचदिवशी भारताचा आणि चेन्नई सुपर किंग्सचा माजी कर्णधार एमएस धोनीचाही एक खास व्हिडिओ समोर आला आहे.
धोनीची 9 वर्षांची लेक झिवा हिच्या इंस्टाग्राम(father day) अकाउंटवरून 16 जून रोजी एक व्हिडिओ शेअर करण्यात आला आहे. या व्हिडिओमध्ये धोनी त्याच्या रांचीमधील घरी त्याच्या पाळीव कुत्र्यांबरोबर वेळ घालवताना दिसत आहे. या व्हिडिओमध्ये वेगवेगळे क्षणांची झलक दिसत आहे. यावेळी तो आणि झिवाही कुत्र्यांबरोबर खेळताना दिसत आहे, तसेच धोनीची पत्नी साक्षीही कुत्र्यांबरोबर वेळ घालवताना दिसत आहे. या व्हिडिओला कॅप्शन देण्यात आले आहे की ‘फॅमिलिया’.
धोनीचे श्वानप्रेम कोणापासूनही लपून राहिलेले नाही. त्याने अनेकदा याबाबत उघडपणे भाष्यही केले आहे. त्याच्या घरी अनेक पाळीव प्राणी असून यात अनेक कुत्रे आहेत. धोनी या कुत्र्यांबरोबर नेहमीच खेळताना दिसतो. त्याने गेल्यावर्षी त्याचा वाढदिवसही त्याच्या पाळीव कुत्र्यांबरोबर साजरा केला होता.
दरम्यान, धोनीची लेक झिवाबद्दल सांगायचे झाले, तर 2015 साली तिचा जन्म झाला होता. तिचे इंस्टाग्रामवर अकाउंट असून ते तिचे आई-वडील म्हणजेच एमएस धोनी आणि साक्षी चालवतात. तिच्या अकाउंटला अडीच लाखांहून अधिक फॉलोवर्स आहेत. काही दिवसांपूर्वीच तिच्या अकाउंटवरून धोनी कुटुंबाचा युरोप ट्रीपचे खास फोटो शेअर करण्यात आले होते.
धोनी सध्या त्याच्या कुटुंबासमवेत वेळ घालवत आहे. तो काही दिवसांपूर्वीच आयपीएल 2024 स्पर्धेत खेळला होता. यंदाच्या आयपीएलपूर्वी त्याने चेन्नई सुपर किंग्सचे नेतृत्व ऋतुराज गायकवाडकडे सोपवले होते. यानंतर हा धोनीचा अखेरचा आयपीएल हंगाम होता, अशी चर्चा आहे. मात्र, अद्याप धोनीने त्याच्या निवृत्तीवर अधिकृत भाष्य केलेलं नाही.
हेही वाचा :
इच्छाशक्ती असेल तर गुंडाराज होईल खालसा
भाजपचं टेन्शन वाढलं! लोकसभा अध्यक्ष पदासाठी चंद्राबाबू नायडूंची ‘ही’ अट
कोल्हापुरात रस्त्यावर यू टर्न घेणाऱ्या रिक्षाचा विचित्र अपघात, संपूर्ण थरार सीसीटीव्हीत कैद