पुणे: दौंड तालुक्यातील एका शाळेत (school)घडलेल्या धक्कादायक घटनेत एका शिक्षकाने नववीतील विद्यार्थिनीवर अत्याचार केल्याची घटना समोर आली आहे. या घटनेने संपूर्ण परिसरात खळबळ उडाली असून, शाळेतील विद्यार्थी, पालक, आणि ग्रामस्थांमध्ये संतापाची भावना पसरली आहे.
आरोपानुसार, शिक्षकाने विद्यार्थिनीला अश्लील व्हिडिओ दाखवून तिला धमकावले आणि त्यानंतर तिच्यावर अत्याचार केला. पीडितेने घडलेल्या प्रकाराची माहिती आपल्या पालकांना दिल्यानंतर त्यांनी तात्काळ पोलिस ठाण्यात धाव घेतली. पोलिसांनी तक्रार दाखल करून आरोपी शिक्षकाला अटक केली आहे.
या प्रकरणी शाळेतील इतर विद्यार्थी आणि शिक्षकांनीही आपल्या नाराजीचा सूर व्यक्त केला आहे. शाळेच्या प्रशासनाने या घटनेची गंभीर दखल घेतली असून, आरोपी शिक्षकावर तात्काळ निलंबनाची कारवाई करण्यात आली आहे. स्थानिकांनीही आरोपीला कठोर शिक्षा देण्याची मागणी केली आहे.
दौंड तालुक्यातील ही घटना शिक्षण क्षेत्रातील विश्वासाला तडा देणारी आहे. या घटनेने पालक आणि विद्यार्थ्यांमध्ये भीतीचे वातावरण निर्माण केले आहे. पोलिसांनी सखोल तपास सुरू केला असून, पीडितेची वैद्यकीय तपासणी करण्यात येत आहे. तसेच, या प्रकरणाचा पुढील तपास करण्यासाठी विशेष पथक नेमण्यात आले आहे.
हेही वाचा:
कोलकाता पीडितेवर सामूहिक बलात्काराचा दावा सीबीआयने फेटाळला
कोल्हापूर:राधानगरी-खिंडी व्हरवडे घाट मार्ग उद्यापासून बंद
महिला सुरक्षा अपयश: काँग्रेसची मुख्यमंत्र्यांच्या आणि उपमुख्यमंत्र्यांच्या राजीनाम्याची मागणी