पिंपरी-चिंचवडमध्ये प्रियकराने प्रेयसीची हत्या(murder) केलीची धक्कादायक घटना समोर आली आहे. हत्या करून प्रेयसीचा मृतदेह रिक्षातून नेऊन तिच्या आईच्या घरासमोर ठेवण्यात आला. आरोपी प्रियकर फरार असून पोलिस त्याचा शोध घेत आहे. या घटनेमुळे पिंपरी-चिंचवड हादरले आहे.
मिळालेल्या माहितीनुसार, पिंपरी-चिंचवडमध्ये राहणाऱ्या शिवानी सुपेकरचे (२६ वर्षे) विनायक आवळेसोबत प्रेमसंबंध होते. दोघेही गेल्या दोन वर्षांपासून लिव्ह इन रिलेशनशिपमध्ये राहत होते. रात्री उशिरा शिवानी आणि विनायक यांच्यामध्ये वाद झाला. या वादामध्ये विनायकने टोकाचे पाऊल उचलले आणि गळा आवळून शिवानीची हत्या केली. शिवानीची हत्या करणारा तिचा प्रियकर रिक्षाचालक आहे.
शिवानीची हत्या(murder) केल्यानंतर विनायकने रात्री उशिरा तिचा मृतेदह रिक्षातून नेला आणि तिच्या आईच्या घरासमोर ही रिक्षा उभी केली. त्यानंतर विनायकने घटनास्थळावरून पळ काढला. सकाळी रिक्षामध्ये शिवानीचा मृतदेह पाहून एकच खळबळ उडाली. शिवानीच्या कुटुंबीयांना मोठा धक्का बसला. वाकड पोलिसांनी आरोपी विनायक आवळेविरोधात गुन्हा दाखल केला असून ते त्याचा शोध घेत आहेत. सध्या या घटनेचा पोलिसांकडून तपास सुरू आहे.
हेही वाचा:
अजित दादा पवार म्हणतात इच्छा माझी पुरी करा….!
‘इलेक्ट्रिक वाहन निर्मितीपासून 5 कोटी रोजगार..’ नितीन गडकरींचा दावा
देशातील दोन बड्या बँकांना RBI चा दणका, कोट्यावधी रुपयांचा दंड, ग्राहकांवर काय होणार परिणाम?