पुणे: पंतप्रधान नरेंद्र मोदी यांच्या सुरक्षेसंदर्भात खळबळजनक घटना घडली आहे. पुण्याच्या कंट्रोल रूममध्ये आलेल्या एका फोन कॉलमुळे सुरक्षा यंत्रणेत खळबळ उडाली. “मोदींच्या जीवाला धोका आहे, त्यांना वाचवा!” अशा आशयाचा फोन आला होता. या गंभीर धमकीमुळे पोलिसांनी(police) तातडीने तपासाची चक्र फिरवली आणि घटनास्थळाचा शोध घेतला.
पोलिसांनी तात्काळ तपास सुरू केला आणि कॉल करणाऱ्याचा ठावठिकाणा शोधला. काही तासांच्या आत, एक संशयित व्यक्तीला ताब्यात घेण्यात आले. या व्यक्तीने का आणि कशासाठी असा फोन केला याचा तपास सुरू आहे. प्राथमिक तपासात हा फोन खरा आहे का, किंवा यामागे काही खोटे हेतू होते का, हे समजण्यासाठी चौकशी केली जात आहे.
पोलिसांचा तातडीचा प्रतिसाद:
फोन आल्यानंतर पुणे पोलिसांनी तातडीने कृती आरंभली आणि सर्व संबंधित सुरक्षा यंत्रणा सज्ज करण्यात आल्या. पंतप्रधान नरेंद्र मोदी यांची सुरक्षा अत्यंत कडक असते, परंतु या फोन कॉलने अधिक सतर्कता बाळगण्यास भाग पाडले आहे.
संशयिताची चौकशी सुरू:
ताब्यात घेतलेल्या व्यक्तीवर कसून चौकशी सुरू असून त्याच्या मागील हेतूंचा शोध घेतला जात आहे. या व्यक्तीने आपल्याकडून फोन का केला, यामागे कोणतीही राजकीय किंवा वैयक्तिक कारणे आहेत का, याची माहिती पोलिस शोधत आहेत.
या घटनेनंतर पुणे पोलिसांनी नागरिकांना अशा प्रकारच्या अफवांवर विश्वास ठेवू नका आणि सुरक्षा यंत्रणांशी सहकार्य करावे, असे आवाहन केले आहे.
हेही वाचा:
शेतकऱ्यांना मिळणार नवरात्रीची भेट, पीएम किसान योजनेची रक्कम ‘या’ दिवशी खात्यात जमा होणार
UPSC मध्ये विविध पदांसाठी भरती प्रक्रियेला सुरुवात; ‘या’ तारखेपर्यंत करता येईल अर्ज
शाहरुख खानला तरुणीने दिला इतका जोरदार धक्का, पडता-पडता वाचला! Video