पुणे: सांस्कृतीक शहर अशी ओळख असणाऱ्या पुण्यातून गुन्हेगारीच्या मोठ्या घटना समोर येत आहेत. असं असतानाच बाप लेकीच्या नात्याला काळीमा फासणारी एक घटना पुणे शहरात घडली आहे. पुण्यातील वारजे परिसरात राहणाऱ्या एका नराधम बापाने आपल्या पोटच्या मुलीवरच तब्बल एक वर्ष लैंगिक अत्याचार(video) केल्याची घटना घडली आहे. तर या घटनेचा उलगडा शाळेतील गुड टच बॅट टच उपक्रमातून उघडकीस आला आला आहे. हा गंभीर प्रकार समोर आल्यानंतर नराधम बापाला पुणे पोलीसांकडून अटक करण्यात आली आहे.
पंकज देवेंद्र ठाकूर वय ३५ असं अटक करण्यात आलेल्या आरोपीचं नाव असून तो मुळचा बिहारचा राहणारा आहे. मिळालेल्या माहितीनुसार गेल्या एका वर्षापासुन तो मुलीला चक्क अश्लील व्हिडिओ(video) दाखवत तिच्यावर लैंगिक अत्याचार करत होता आणि आरोपीच्या मोबाईलमध्ये असे अश्लील व्हिडिओ देखील आढळले असल्याची माहिती पुणे पोलीसांकडून देण्यात आली आहे.
ही धक्कादायक घटना शाळेतील गुड टच बॅड टच उपक्रमातून उघडकीस आली. शिक्षकांनी दिलेल्या तक्रारीनंतर वारजे माळवाडी पोलिस ठाण्यामध्ये नराधम बापाविरोधात गुन्हा दाखल करण्यात आला. त्यानंतर त्याला अटक करण्यात आली आहे. पोलिस याप्रकरणाचा तपास करत आहेत.
पिडित मुलगी वारजे माळवाडी परिसरात आपल्या आई-वडिलांसोबत राहते. ही मुलगी सहावीमध्ये शिकत असून ती 11 वर्षांची आहे. शाळेत गुड टच बॅड टच उपक्रम सुरू असताना मुलीने याबाबतची माहिती दिली. मुलीवर तिच्याच वडिलांनी घरी जबरदस्तीने लैंगिक अत्याचार केले. मोबाइलमध्ये अश्लिल व्हिडीओ दाखवत बापाने आपल्या पोटच्या मुलीवर लैंगिक अत्याचार केल्याचा प्रकार समोर आल्यानंतर संताप व्यक्त केला जात आहे.
उपक्रमादरम्यान पीडित मुलीने तिच्यासोबत घडलेला संपूर्ण प्रकार शिक्षिकेला सांगितला. शिक्षिकेला देखील मोठा धक्का बसला. यानंतर शिक्षकांनी वारजे माळवाडी पोलिस ठाण्यामध्ये धाव घेत याप्रकरणी तक्रार दाखल केली. घटनेचे गांभीर्य लक्षात घेत पोलिसांनी बापाविरोधात गुन्हा दाखल करत केला, काही तासांत नराधम बापाला अटक केली. आरोपीला कोर्टात हजर करण्यात आले असता कोर्टाने आरोपी बापाला 4 दिवसांची पोलिस कोठडी सुनावली आहे.
हेही वाचा:
सर्वसाक्षी तो परमेश्वर आणि इथले राजकारण!
महाराष्ट्रामध्ये ‘या’ तारखेला होणार निवडणूक? कधी लागणार आचारसंहिता?
सांगली शहरातील मोकाट कुत्र्यांचा थेट मनपा आयुक्तांनाच फटका; कार अपघातात डोक्याला दुखापत
सर्वसाक्षी तो परमेश्वर आणि इथले राजकारण!