मृत्यू कधी, कुठे, कसा कुणाला गाठेल सांगू शकत नाही. कुणाचा नाचताना, कुणाचा(video) हसता-बोलता मृत्यू झाल्याची किती तरी प्रकरणं आहेत. अचानक मृत्यू झाल्याचे कितीतरी व्हिडीओ तुम्ही पाहिले असतील. असाच आणखी एक धक्कादायक व्हिडीओ व्हायरल होत आहे, जो पाहून सर्वांनाच धक्का बसला आहे.
ठाण्यातील मुंब्रा येथे तीन वर्षीय चिमुकली आपल्या आईसोबत रस्त्याने चालत होती. अचानक रहिवाशी इमारतीच्या पाचव्या मजल्यावरुन पाळीव कुत्रा लॅब्राडोर(video) मुलीच्या अंगावर पडला. या घटनेत निष्पाप मुलीचा जागीच मृत्यू झाला. ही संतापजनक घटना मुंब्रामधील दर्गा रोडवरील चिराग मॅन्शनच्या सीसीटीव्ही कॅमेऱ्यात कैद झाली आहे.
दरम्यान मुंब्रा पोलिसांनी सांगितले की, कुत्रा रस्त्यावर कसा आला – त्याने उडी मारली की फेकला गेला हे अद्याप स्पष्ट झाले नाही. पाचव्या मजल्यावरुन पडल्यामुळे कुत्र्याला अनेक फ्रॅक्चर झाले असून त्याला कर्नाळा येथील रेस्क्यू सेंटरमध्ये पाठवण्यात आले आहे. मुलीच्या आईने तक्रार देण्यास नकार दिला.
तिची मुलगी सना खानच्या मृत्यूमध्ये तिला कोणताही गैरप्रकार झाल्याचा संशय नसल्याचे तिने सांगितले. परंतु मुंब्रा पोलिसांचे वरिष्ठ निरीक्षक अनिल शिंदे यांनी या घटनेविरोधातील तपास सुरू केला आहे. पाळीव कुत्रा पाळण्याचा परवाना होता की नाही, याचा शोध घेतला जाणार आहे.
नातेवाईकांनी सांगितले की, सना ही केटररची एकुलती एक मुलगी होती, तिला गर्भधारणेसाठी आठ वर्षे लागली. सनाचे मामा आसिफ रंगरेज यांनी सांगितले की, मंगळवारी दुपारी 4.30 च्या सुमारास आई आणि मुलगी चिराग मॅन्शन ए-विंगमधून बाहेर पडले आणि डायपरचे पॅकेट बदलण्यासाठी जवळच्या दुकानात गेले, तेव्हा कुत्रा त्यांच्या भाचीच्या अंगावर पडला, ज्यामुळे ती गंभीर जखमी झाली.
सनाला प्रथम खासगी रुग्णालयात नेण्यात आले आणि नंतर सीटी स्कॅनसाठी छत्रपती शिवाजी महाराज रुग्णालयात पाठवण्यात आले. मात्र, तेथे पोहोचताच कर्तव्यावर असलेल्या डॉक्टरांनी ईसीजी करून त्याला मृत घोषित केले. पोलिसांनी घटनास्थळाचा कसून पंचनामा करून मृतदेहाचे शासकीय रुग्णालयात शवविच्छेदन केले.
श्वान मालकाने संपूर्ण टेरेसचा ताबा घेतला असून, रीतसर परवानगी न घेता वेगवेगळ्या जातीचे कुत्रे पाळले असल्याचा आरोप रंगरेझ यांनी केला आहे. त्यांनी आरोप केला की, ‘कुत्र्याच्या मालकाच्या निष्काळजीपणामुळे ही घटना घडली आहे. पोलिसांनी योग्य ती कारवाई करावी. ठाणे महानगरपालिकेच्या पशुवैद्यकीय डॉक्टर क्षामा शिरोडकर यांनी सांगितले की ते आरोपांची चौकशी करतील आणि सत्य आढळल्यास योग्य ती कारवाई केली जाईल. शिरोडकर म्हणाले, ‘पाळीव प्राणी मालकाने प्राण्यांवर काही क्रौर्य केले आहे का, याचीही चौकशी करण्यात येणार आहे.
हेही वाचा :
कुस्तीपटू विनेश फोगाटला भारतरत्न आणि राज्यसभेची खासदारकी मिळणार?
कथा कुणाची, व्यथा कुणाला घाटगेंची इच्छा लागे पणाला!
‘नवनीत राणांना महायुतीबाहेर काढा नाहीतर…’, शिंदे गटाच्या नेत्याचा भाजपला इशारा