हातकणंगले तालुक्यातील नागाव येथे उच्च दाबाची विजेची तार तुटून अंगावर पडल्याने एका शेतकऱ्याचा(farmer) जागीच मृत्यू झाला आहे. मृत व्यक्तीचे नाव सुनील बापू शिंदे (वय ४४) आहे. ही दुर्दैवी घटना आज सकाळी आठ वाजता घडली.
दुर्दैवी घटना:
सुनील शिंदे हे शिरोली एमआयडीसीमधील एका कंपनीत काम करत होते. शुक्रवार (दि. ५) रात्रपाळी करून ते सकाळी घरी आले होते. शेतात(farmer) औषध फवारणी करण्यासाठी ते औषध फवारणी पंप घेऊन शेतात गेले होते. औषध फवारणी करत असताना शेतातून गेलेली उच्च दाबाची विजेची तार तुटून त्यांच्या अंगावर पडली. त्यामुळे त्यांचा जागीच मृत्यू झाला.
गावकऱ्यांची प्रतिक्रिया:
सुनील शिंदे यांच्या अचानक मृत्यूने नागाव गावात हळहळ व्यक्त केली जात आहे. कष्टाळू तरुणाचा असा दुर्दैवी मृत्यू झाल्याने गावकरी दुःख व्यक्त करत आहेत. जवळ असलेल्या शेतकऱ्यांनी आरडाओरड केली आणि गावात ही घटना कळताच अनेकांनी घटनास्थळी धाव घेतली.
पोलिसांची कारवाई:
शिरोली एमआयडीसी पोलिसांनी घटनास्थळी धाव घेत पंचनामा केला. मृतदेह शवविच्छेदनासाठी कोल्हापूर सिपिआर रुग्णालयात पाठविण्यात आला आहे.
कुटुंबीयांची स्थिती:
सुनील शिंदे यांच्या पश्चात आई, पत्नी, मुलगा असा परिवार आहे. त्यांच्या निधनाने कुटुंबावर दुःखाचा डोंगर कोसळला आहे. या घटनेमुळे नागाव गावात शोककळा पसरली असून उच्च दाबाच्या विजेच्या तारेची दुरुस्ती आणि देखभालीबाबत प्रशासनाने अधिक दक्षता घेण्याची गरज आहे.
हेही वाचा :
लाडकी बहीण योजना, ॲपमध्ये कोणकोणती माहिती भरायची? सोप्या टिप्स फॉलो करा
अनंत- राधिकाच्या संगीत सोहळ्यात मुकेश- नीता अंबानी यांचा रोमँटिक डान्स
महाराष्ट्रात खळबळ! पत्नीची निर्घृण हत्या आणि पतीचा मृतदेह झाडाला लटकलेल्या अवस्थेत