राष्ट्रवादी काँग्रेस पक्षात दोन गट पडल्यानंतर पवार कुटुंबात मोठी(family) दुफळी निर्माण झाल्याची चर्चा आहे. अजित पवार हे एकटे पडल्याचं बोललं जातंय. काही दिवसांपूर्वी सुप्रिया सुळे यांनी आम्ही कुटुंब म्हणून एक आहोत, असं म्हटलं होतं. आज रोहित पवार यांनी पवार कुटुंबाबाबत बोलताना मोठं विधान केलं आहे. अजितदादा यांचं कुटुंब आता वेगळं आहे, असं रोहित पवार यांनी म्हटलंय.
राष्ट्रवादी काँग्रेस शरदचंद्र पवार पक्षाचे (family)आमदार रोहित पवार यांनी आज माध्यमांसोबत संवाद साधला. यावेळी बोलताना त्यांनी अजित पवार यांच्यासंदर्भात बोलताना मोठं विधान केलं. “अजित पवार यांचा दुसऱ्या कोणत्याच व्यक्तीवर विश्वास नव्हता म्हणून त्यांनी घरच्याच व्यक्तीला राज्यसभेची खासदारकी देण्याचा निर्णय घेतला असावा”, असं रोहित पवार म्हणाले.
“त्यांच्या पक्षातील नेते कुठेतरी काहीतरी कुजबूज करत असतील. म्हणून त्यांच्याकडे दुसरा कोणताही पर्याय राहिला नसेल. कुणावरही विश्वास राहिला नसल्यामुळे राज्यसभा पद घरच्याच व्यक्तीला दिलं तर योग्य ठरू शकतं. पण आता अजित पवार यांचं कुटुंब वेगळं आहे आणि शरद पवार यांच्या मार्गदर्शनाखालील कुटुंब वेगळं आहे”, असं रोहित पवारांनी स्पष्ट केलं.
घराणेशाहीवर टीका करणाऱ्या भाजप नेत्यांवरही आमदार रोहित पवार यांनी चांगलंच तोंडसुख घेतलं. नरेंद्र मोदी एका बाजूला घराणेशाहीवर टीका करतात. दुसऱ्या बाजूने अनेक कुटुंबांना फोडून ते आपल्यासोबत घेतात. यामध्ये विखे पाटील कुटुंब, पवार कुटुंब, मुंडे कुटुंब असे अनेक कुटुंब आपल्याला दिसतील. सर्वात जास्त घराणेशाही आपल्याला भाजपमध्ये दिसेल, असंही रोहित पवार म्हणाले.
दरम्यान, रोहित पवार हे पक्षात नाराज असल्याच्या चर्चा रंगल्या होत्या. यावरही त्यांनी स्पष्टीकरण दिलं आहे. मी नाराज होऊन दरवाजा बंद करुन बसत नाही. मी कोणत्याही एका व्यक्तीवर टीका करत नाही. आम्ही लोकांची भूमिका बोलून दाखवली. अनेकांना पक्षांसोबत येण्याची इच्छा असते. पण माझ्याकडे कोणतही पद नसल्याने मला निर्णय घेता येत नाही, असं रोहित पवार यांनी म्हटलं आहे.
जयंत पाटील पक्षात चांगल काम करत आहे, असं म्हणत रोहित पवार यांनी त्यांचं कौतुक केलं. पद असो किंवा नसो. मुद्दा महत्वाचा असेल तर त्यावर बोललं पाहिजे. आता नीट परीक्षेचा मुद्दा होता. त्यावर तातडीने बोलणं गरजेच होते. ते झालं नाही असं म्हणत रोहित पवार यांनी थोडीफार नाराजी व्यक्त केली.
हेही वाचा :
ब्रेकअपच्या चर्चेदरम्यान तेजस्वी प्रकाश आणि करण कुंद्रा स्पॉट, रोमँटिक अंदाजात एकत्र
सांगलीत डिस्चार्जनंतर व्यसनाधीन रूग्णाने मारली इमारतीवरून उडी
मद्यप्रेमींसाठी महत्त्वाची बातमी! ही गोष्ट असेल तरच मिळणार बारमध्ये दारू…..