पुष्पा 2 अभिनेता अल्लू अर्जुनला हैद्राबाद पोलिसांनी(Police) अटक केल्याची माहिती समोर येत आहे. चित्रपट प्रदर्शन वेळी चेंगराचेंगरी प्रकरणात ही अटक करण्यात आल्याचे सांगितले जात आहे. हैदराबादच्या संध्या थिएटर प्रकरणी साऊथ सुपरस्टार आणि ‘पुष्पा 2’ अभिनेता अल्लू अर्जुनवर ही कारवाई करण्यात आली आहे.
4 डिसेंबर रोजी चित्रपटाच्या प्रदर्शनादरम्यान थिएटरमध्ये चेंगराचेंगरी झाली होती, ज्यामध्ये 35 वर्षीय महिलेचा मृत्यू झाला होता आणि अनेक जण जखमी झाले होते. या घटनेप्रकरणी पोलिसांनी अल्लू अर्जुन आणि थिएटर व्यवस्थापनावर गुन्हा दाखल केला होता. त्यानंतर आता पोलिसाकडून(Police) अल्लू अर्जुनला अटक करण्यात आली आहे.
मात्र त्यानंतर पोलिसांनी अल्लू अर्जुन, सुरक्षा टीम आणि थिएटर व्यवस्थापनाविरुद्ध भारतीय न्याय संहितेच्या कलम 105 आणि 118 (1) अंतर्गत चिक्कडपल्ली पोलीस ठाण्यात दाखल केलेल्या तक्रारीच्या आधारे पोलीस ठाण्यात गुन्हा दाखल केला होता. तसेच मृत महिलेच्या कुटुंबीयांनी थेट अल्लू अर्जुनविरोधात पोलीस ठाण्यात तक्रार दाखल केली होती.
मात्र या घटनेच्या तपासादरम्यान पोलिसांनी थिएटर मालकांपैकी एक, थिएटरचे वरिष्ठ व्यवस्थापक आणि थिएटरच्या खालच्या बाल्कनीचे प्रभारी अशा एकूण मिळून तीन जणांना अटक केली आहे. तर साऊथ सुपरस्टार अल्लू अर्जुनने एफआयआर रद्द करण्याची याचिका दाखल करत याचिका निकाली निघेपर्यंत अटकेसह पुढील सर्व कारवाईला स्थगिती देण्याची विनंती देखील केली आहे.
हेही वाचा :
फडणवीसांची लाडकी बहीण विधानपरिषदेवर; ‘या’ बहिणीला गिफ्ट मिळणार?
तीन दिवस सुट्टी घ्या, पण पोरं जन्माला घाला; ‘लोकसंख्या’ वाढीसाठी अजब-गजब निर्णय!
धमक्यांचं सत्र सुरूच…! आता RBI बँकेला बॉम्बनं उडवण्याची धमकी