पुण्यात राष्ट्रवादी काँग्रेस (शरद पवार गट) पक्षात प्रवेश करून वडगाव शेरीमधील उमेदवार बापूसाहेब पठारे यांना पाठिंबा देणाऱ्या माजी नगरसेविका रेखा टिंगरे यांच्या पतीवर अज्ञातांनी भरदुपारी हल्ला(attacked) केल्याची खळबळजनक घटना समोर आली आहे. त्यांच्या गाडीच्या काचा दगड मारून फोडण्यात आल्या असून, यात चंद्रकांत टिंगरे जखमी झाले आहेत. याघटनेने शहरात मोठी खळबळ उडाली आहे. हा हल्ला कोणी केला आणि का केला, हे स्पष्ट नसून, त्याबाबत पोलीस तपास करत आहेत.
विश्रांतवाडी परिसरातील धानोरी जकात नाका परिसरात हा प्रकार दुपारी अडीचच्या सुमारास घडला आहे. चंद्रकांत टिंगरे हे माजी नगरसेविका रेखा टिंगरे यांचे पती आहेत. गेल्याच आठवड्यात त्यांनी राष्ट्रवादी काँग्रेस पक्षात (शरद पवार गट) प्रवेश केला होता. शरद पवार यांच्या उपस्थित त्यांनी हा प्रवेशकरून वडगाव शेरीचे उमेदवार बापूसाहेब तुकाराम पठारे यांचा प्रचार सुरू केला होता.
दरम्यान, प्रचाराच्या तोफा सोमवारी सायंकाळी थंडावल्यानंतर गाठीभेटीवर भरदिला जात आहे. मतदार राजाला प्रत्यक्ष भेटले जात आहे. चंद्रकांत टिंगरे व त्यांचा कार चालक सचिन गायकवाड दुपारी एमएसईबी ऑफिसकडे गेले होते. त्यांनी कार लावली आणि खाली उतरत असतानाच दुचाकीवर आलेल्या अज्ञातांनी प्रथम पाठिमागून कारवर दगड मारला.
तेव्हा कार चालक घाईने उतरले व पाठिमागे गेले, त्याचवेळी समोरून देखील सिमेंटचा गट्टू काचेवर मारून तोडफोड केली. या दगडफेकीत चंद्राकांत टिंगरे हे जखमी झाले आहेत. दरम्यान, याघटनेमुळे वडगाव शेरी परिसरात चांगलाच वातावरण गरम झाले असून, पोलिसांनी घटनास्थळी धाव घेतली आहे.
राज्यात सध्या विधानसभा निवडणुकांची धामधूम सुरु आहे. काल महाराष्ट्रातील प्रचारतोफा थंडावल्या. त्यातच सोमवारी (१८ नोव्हेंबर) महाराष्ट्राचे माजी गृहमंत्री आणि राष्ट्रवादी काँग्रेस शरद पवार गटाचे नेते अनिल देशमुख यांच्यावर अज्ञातांकडून हल्ला(attacked) करण्यात आल्याची घटना घडली. या हल्ल्यामध्ये अनिल देशमुख यांच्या डोक्याला गंभीर दुखापत झाली.
यानंतर त्यांना तात्काळ रुग्णालयात दाखल करण्यात आले. या घटनेनंतर नागपुरात सध्या तणावाचे वातावरण आहे. याप्रकरणानंतर अनिल देशमुख यांचे स्वीय सहाय्यक उज्वल भोयर यांनी पोलिसांमध्ये तक्रार दाखल केली आहे. अनिल देशमुख यांच्यावर सध्या नागपुरच्या खाजगी रुग्णालयात उपचार सुरु आहे. त्यांच्या सुरक्षिततेसाठी सध्या पोलिसांची मोठी फौज तैनात करण्यात आली आहे. या घटनेनंतर राजकीय वातावरण तापले आहे.
हेही वाचा :
विनोद तावडेंची बॅग कोण तपासणार? उद्धव ठाकरेंचा निवडणूक आयोगाला सवाल
शेवटी, आई ही आई असते! समुद्रात वाहून गेलेल्या मुलीचा जीव वाचला, थरारक घटना कॅमेऱ्यात कैद…. Video viral
“माझ्यावरती अन्याय झाला…”, तेजस्विनी पंडीतकडून राज ठाकरेंचा ‘तो’ व्हिडीओ शेअर