मिरज: दक्षिण महाराष्ट्रातील मिरज झोनमध्ये अंड्याच्या(egg)दराबाबत महत्त्वपूर्ण निर्णय घेण्यात आला आहे. शनिवारी (दि. ६) विट्यात झालेल्या राष्ट्रीय अंडी समन्वय समितीच्या (एनईसीसी) मिरज झोनमधील कुक्कुट व्यावसायिकांची व्यापक बैठकीत हा निर्णय घेण्यात आला.
बैठकीत ठरविण्यात आले की, रोजचा अंडी दर रोज सकाळी ११.३० वाजता एकमताने जाहीर केला जाईल. या दरानुसार सर्व कुक्कुटपालक व्यवसायिकांनी कामकाज करावे, असा ठराव सर्वसहमतीने पारित करण्यात आला. या निर्णयामुळे अंडी दराबाबतचा गैरमेळ दूर करण्याची अपेक्षा आहे.
एनईसीसीचा मिरज झोन हा कोल्हापूर, सांगली आणि सातारा जिल्ह्यातील कुक्कुट व्यावसायिकांसाठी निर्माण करण्यात आला आहे. मिरज विभागीय झोन कमिटीच्या माध्यमातून देशांतर्गत अंडी उत्पादन, निर्यात आणि देशांतर्गत मागणीचा अभ्यास करुन अंडी दराबाबत समन्वय राखला जातो.
बैठकीत मिरज झोनमधील व्यावसायिकांच्या विविध अडचणींवर चर्चा करण्यात आली. अंडी दराबाबतचा गैरमेळ दूर करण्यासाठी आणि संपूर्ण मिरज झोनचा एकच सर्वमान्य अंडी दर जाहीर करण्यासाठी तेरा सदस्यांची समिती स्थापन करण्यात आली आहे. ही समिती बाजारपेठेची परिस्थिती अवलोकन करून दररोज सकाळी ११.३० वाजता एकमताने अंडी दर जाहीर करेल. सर्व व्यावसायिक आणि अंडी व्यापाऱ्यांनी या दरानुसार कामकाज करावे, असा ठरावही करण्यात आला आहे.
हेही वाचा :
हिंगोलीत मराठा आंदोलकांची महापूर
झिम्बाब्वेविरुद्ध भारताची युवा ब्रिगेड विजयी, मालिकेत २-० आघाडी
मनोज जरांगे पाटील यांचे सरकारवर हल्लाबोल, समाजाला एकजुटीचे आवाहन