मुंबई : रस्त्यावर मॉर्निंग वॉकला निघालेल्या एका महिलेची सोनसाखळी चोरीला(theft) गेलीय. ही घटना उत्तर प्रदेशमधील आहे. महिला मॉर्निंग वॉकसाठी रस्त्यावरून जात होती. त्यावेळी दुचाकीवरून दोन तरूण आले. थोडं अंतर मागेच थांबून एकजण गाडीवरून खाली उतरला. हळुहळू महिलेच्या मागे आला अन् तिच्या गळ्यातील सोनसाखळी चोरून त्याने पळ काढला.
जानकीपुरममधील सहारा राज्य मार्गाजवळ ही घटना घडली आहे. रस्त्यावर बसवण्यात आलेल्या सीसीटीव्ही कॅमेऱ्यांमध्ये ही चोरीची (theft)घटना कैद झालीय. हल्लेखोरांपैकी एकाने चोराने पायी जात असताना अचानक महिलेच्या गळ्यातील चैन हिसकावून घेतली. जवळच थांबलेल्या त्याच्या साथीदारासह दुचाकीवर बसत निघून गेला. व्हिडिओमध्ये दिसतंय की, महिला चोराचा पाठलाग देखील करत आहे.
उत्तर प्रदेशमध्ये चोर आणि गुन्हेगारांचं मनोबल उंचावल्याचं दिसतंय. दिवसाढवळ्या अगदी गजबजलेल्या परिसरामध्ये चोरीच्या घटना घडत आहेत. लखनऊच्या जानकीपुरममध्ये दोन चोरट्यांनी मॉर्निंग वॉकला निघालेल्या महिलेच्या गळ्यातील साखळी चोरली. या संपूर्ण चोरीच्या घटनेचा व्हिडिओ सीसीटीव्हीमध्ये कैद झालाय. मदतीसाठी या महिलेनं आरडाओरड करत हल्लेखोरांचा पाठलाग करण्याचा प्रयत्न केला, पण तो निष्फळ ठरलाय.
यावेळी महिलेने चोराचा पाठलाग करण्याचा प्रयत्न केला, मात्र दोन्ही चोरटे पळून गेले होते. या घटनेमुळे चोरटे पोलिसांचे धाबे दणाणल्याचे दिसून येत आहे. या प्रकरणी पोलिसांनी तक्रार नोंदवून चोरट्यांचा शोध सुरू केला आहे. X सोशल मिडिया प्लॅटफॉर्मवर @Lucknowalaa या हँडलवरून हा व्हिडिओ शेअर करण्यात आलाय. या प्रकरणी गुन्हा दाखल करण्यात आला असून पोलीस सीसीटीव्ही फुटेजच्या आधारे आरोपींचा शोध घेत आहेत. या घटनेने रहिवाशांच्या सुरक्षिततेबद्दल चिंता निर्माण केलीय.
हेही वाचा:
राज्यात पुन्हा राजकीय उलथापालथ होणार; अजित पवारांच्या मनात नक्की चाललंय काय?
धवन-कार्तिक नंतर भारताचा ‘हा’ दिग्गज क्रिकेटरही करू शकतो निवृत्तीची घोषणा
ST महामंडळाचा मोठा निर्णय; प्रवासात अडचण आल्यास थेट आगारप्रमुखांना फोन, नंबर झळकणार