रांची : झारखंडमध्ये होऊ घातलेल्या विधानसभा निवडणुकीला अवघे काही आठवडे शिल्लक असताना भारतीय जनता पक्षाला मोठा धक्का बसला आहे. भाजपचे आणखी दोन माजी आमदार(MLA) झारखंड मुक्ती मोर्चात सामील झाले आहेत. माजी आमदार लुईस मरांडी आणि कुणाल सारंगी ( 21 ऑक्टोबर)झारखंड मुक्ती मोर्चा मध्ये सामील झाले आहेत.
दोनच दिवसांपूर्वी भाजपचे माजी आमदार(MLA) केदार हाजरा आणि AJSU पक्षाचे उमाकांत रजक JMM मध्ये सामील झाले होते. याआधी केदार हाजरा, उमाकांत रजक, गणेश महाली यांच्यासह अनेक नेते झारखंड मुक्ती मोर्चात सहभागी झाले आहेत. भाजपचे माजी प्रवक्ते आणि बहरगोराचे आमदार सारंगी यांनी आज झारखंड मुक्ती मोर्चाच प्रवेश केल्याची माहिती दिली.
भाजपचे माजी आमदार लुईस मरांडी यांनी 2014 मध्ये दुमका येथून मुख्यमंत्री हेमंत सोरेन यांचा 5,262 मतांनी पराभव केला होता. तर हेमंत सोरेन यांनी 2019 मध्ये 13,188 मतांनी विजय मिळवला होता. मात्र, त्यांनी ही जागा सोडली आणि बारहाईत जागा राखली.
झारखंड विधानसभा निवडणुकीसाठी भाजपने पहिली यादी जाहीर केली आहे. भाजपने पहिल्या यादीत 66 उमेदवारांना तिकीट दिले आहे. यामध्ये बाबुलाल मरांडी आणि चंपाई सोरेन यांच्यासह अनेक बड्या चेहऱ्यांनाही तिकीट देण्यात आले आहे. दरम्यान, मित्रपक्ष AJSU नेही काल आपली पहिली यादी जाहीर केली. AJSU ने पहिल्या यादीत आठ उमेदवारांना तिकिटे दिली.
महाराष्ट्राबरोबरच झारखंडमध्येही विधानसभा निवडणुका जाहीर झाल्या आहेत. यावेळी झारखंडमध्ये दोन टप्प्यात निवडणुका होत आहेत. पहिल्या टप्प्यातील मतदान 13 नोव्हेंबरला होणार आहे, तर दुसऱ्या टप्प्यातील मतदान 20 नोव्हेंबरला होणार आहे. 23 नोव्हेंबर रोजी मतमोजणी होणार आहे. दोन्ही राज्यांतील विधानसभा निकाल 23 नोव्हेंबरला जाहीर होणार आहेत.
हेही वाचा:
भाजपला मोठा धक्का! ‘या’ बड्या नेत्याने दिला राजीनामा
शरद पवारांचा शिंदे गटाला धक्का, ‘या’ नेत्याने तुतारी फुंकली
लाडक्या बहिणींना मिळणार 5 हजारांचा बोनस? महिला व बालविकास विभागाने स्पष्टच सांगितलं