तेलंगणातील हैदराबाद मध्ये एका प्रसिद्ध रिअल इस्टेट (real estate) कंपनीत काम करणाऱ्या २६ वर्षीय महिलेवर तिच्या सहकाऱ्यांनी रात्रभर कारमध्ये लैंगिक अत्याचार केल्याची घटना समोर आली आहे. या दोन्ही आरोपींनी महिलेला शीतपेय आणि मिठाईची नशा देऊन बेशुद्ध केले आणि त्यानंतर कारमध्ये तिच्यावर बलात्कार करून मारहाण केली. सुमारे साडेचार तासांच्या अत्याचारानंतर आरोपींनी महिलेला तिच्या घरी सोडले.
ही घटना रविवारी, ३० जून रोजी रात्री मियापूर परिसरात घडली. पोलिसांनी दोन्ही आरोपींना अटक केली असून ते दोघेही रिअल इस्टेट कंपन्यांमध्ये (real estate) सेल्स एक्झिक्युटिव्ह आहेत. आरोपींची नावे ३९ वर्षीय सांगा रेड्डी आणि २५ वर्षीय जनार्दन रेड्डी अशी आहेत.
महिलेच्या तक्रारीनुसार, ती ३० जून रोजी मियापूर येथे सेल्सवुमन म्हणून काम करण्यासाठी गेली होती, जिथे ती दोघांशी भेटली. नंतर त्यांनी तिला हॉस्टेलमधून गाडीत बसवून यादगिरीगुट्टा येथील एका ठिकाणी नेले. मिटींग संपल्यानंतर परतताना, त्यांनी कार एका बांधकामाधीन इमारतीत थांबवली आणि कार खराब झाल्याचे सांगितले.
आरोपींनी तिला खायला दिले, जे तिने आधी नकार दिला, पण नंतर थंड पेय आणि मिठाई घेण्यास भाग पाडले. महिलेच्या तक्रारीनुसार, तिने दिवसभर काही खाल्ले नसल्याने चक्कर येत असल्याचे वाटले. या परिस्थितीचा फायदा घेत, दोन पुरुषांनी तिचे कपडे काढले, तिच्या शरीराच्या अवयवांना स्पर्श केला, शिवीगाळ आणि मारहाण केली. सायबराबाद पोलिस आयुक्तालयाने जारी केलेल्या पत्रकात म्हटले आहे की, १ जुलैच्या सकाळपर्यंत त्यांनी एकामागून एक लैंगिक अत्याचार केले, ज्यामुळे तीला प्रचंड वेदना होत होत्या. नंतर तिला वसतिगृहात सोडून ते पळून गेले.
महिलेच्या तक्रारीनंतर मियापूर पोलीस ठाण्यात गुन्हा दाखल करण्यात आला. आरोपींवर आयपीसी कलम ३७६ (बलात्कार), ३२३ (जननेंद्रियांना दुखापत करणे), ५०९ (महिलेचा विनयभंग) आणि ४२० (अश्लीलता) अंतर्गत गुन्हा दाखल करण्यात आला आहे.
हेही वाचा :
दुर्मिळ अमीबा संसर्गामुळे १४ वर्षाच्या मुलाचा दुर्दैवी मृत्यू
चर्चेत राहण्यासाठी नव्हे तर, अलिखित नियमासाठी मोदींनी लावला नाही ‘ट्रॉफी’ला हात
होंडाची ‘अमेज़’ लवकरच तुमच्या भेटीला: नव्या जनरेशनसह कमालीचे सुरक्षा फीचर्स