पंतप्रधान नरेंद्र मोदी यांनी रविवारी (sunday)राजस्थानच्या बांसवाडा आणि जालोरमध्ये विजयी शंखनाद सभा घेतली.
ते म्हणाले, ‘आज काँग्रेसची जी स्थिती आहे त्याला काँग्रेसच दोषी आहे(sunday). काँग्रेसने देशावर ६० वर्षे राज्य केले. याच काँग्रेसने माता-भगिनींना शौचालये, बँक खाती अशा छोट्या-छोट्या गोष्टींसाठी तडपवले. घराणेशाही आणि भ्रष्टाचाराची वाळवी पसरवून देश पोखरला आहे.
या पापांची शिक्षा देश त्यांना देत आहे. एकेकाळी ४०० खासदार जिंकणारा पक्ष आज ३०० जागा लढवू शकत नाही. उमेदवार मिळत नसल्याची काँग्रेसची अवस्था आहे. त्यांनी इंडी अलायन्सची स्थापना केली आहे. ज्याचा पतंग उडण्यापूर्वीच कापला गेला होता. गेल्या ६० वर्षांत काँग्रेस देशाला आदिवासी राष्ट्रपती देऊ शकली नाही, असे पंतप्रधान मोदी म्हणाले. काँग्रेस संविधान, आरक्षण आणि लोकशाहीबद्दल खोटे बोलत आहे. पंतप्रधान मोदींनी सोनिया गांधींवरही निशाणा साधला. म्हणाले, जे निवडणूक जिंकू शकत नाहीत ते राजस्थानमधून राज्यसभेवर आले आहेत.
सुनीता-कल्पना यांचे संदेशवाचन
सुनीता केजरीवालांनी अरविंद केजरीवाल यांचा संदेश वाचला. इंडिया आघाडीला संधी दिल्यास देश महान बनवू, असे म्हटले. कल्पना सोरेन यांनी हेमंत सोरेन यांचा संदेश वाचला. २०२४ मध्ये एनडीएचे सरकार आले तर ते आदिवासींसाठी धोकादायक ठरेल, असे ते म्हणाले.
झारखंडमधील रांची येथे विरोधी आघाडी ‘इंडिया’ने मेगा रॅली काढली. यात १४ विरोधी पक्षांचे नेते सहभागी झाले होते. प्रकृती अस्वास्थ्यामुळे राहुल गांधी आले नाहीत. त्यांच्या जागी मल्लिकार्जुन खरगे सहभागी झाले. राहुलचे पत्र वाचून त्यांनी माध्यमांना सांगितले की, पीएम मोदी म्हणत आहेत की काँग्रेस ३०० जागाही लढवू शकत नाही. असे नाही. भाजपला रोखण्यासाठी आमच्याकडे आवश्यक संख्याबळ आहे. बैठकीत खरगे म्हणाले, ‘पंतप्रधान नरेंद्र मोदींनी दोन मुख्यमंत्र्यांना तुरुंगात टाकले आहे. हेमंत सोरेन धाडसी आहेत. मला तुरुंगात जायला आवडते, पण आघाडी सोडायला आवडणार नाही. पंतप्रधान मोदींवर निशाणा साधत ते म्हणाले की, तुम्ही ज्या प्रकारे चाल चालत आहात, त्याच वाटचालीने तुम्ही संपून जाल. आदिवासींना काहीही होणार नाही. आज देशात लोकशाही आहे, संविधान आहे, त्यामुळे लोक आपल्या इच्छेनुसार वाटचाल करत आहेत. मी म्हणेन की तुम्ही आम्हाला मातीत गाडण्याचा खूप प्रयत्न करताय. आम्ही गाडूनच राहूत. कारण आम्ही बीज आहोत. ते म्हणतात की, राम मंदिराच्या उभारणीत तुम्ही आदिवासी अध्यक्षांना का बोलावले नाही? तुम्ही त्यांना बोलावले नाही कारण ते अस्पृश्य आहेत. खरगे यांनी मध्य प्रदेशातील सतना येथेही सभा घेतली. मोदी-शहा पुन्हा सत्तेत आल्यास लोकशाही संपुष्टात येईल, असे म्हटले आहे. आंबेडकरांनी लिहिलेली राज्यघटना ते नष्ट करतील.
यांचा रॅलीत सहभाग
राष्ट्रीय जनता दलाचे प्रमुख लालूप्रसाद यादव, राष्ट्रवादीचे नेते फारुख अब्दुल्ला, सपा नेते अखिलेश यादव, दिल्लीचे मुख्यमंत्री अरविंद केजरीवाल यांच्या पत्नी सुनीता, आप नेते संजय सिंह, तृणमूलचे डेरेक ओब्रायन, शिवसेना ठाकरे गटाच्या प्रियांका चतुर्वेदी, सीपीआयचे दीपंकर भट्टाचार्य यांचा समावेश आहे.
हेही वाचा :
काँग्रेसला ‘अच्छे दिन’, भाजपच्याही पुढे…
‘मी ठाकरेंचा आनंद दिघे’ म्हणणारे शिंदे गटातून निवडणूक लढणार? नार्वेकरांचे तोंडावर बोट
हातकणंगले लोकसभा मतदारसंघातील राजकीय वातावरण गरम! राजू शेट्टी यांची कारखानदारांवर जोरदार टीका