सातारा: शिवसेना उद्धव बाळासाहेब ठाकरे पक्षाचा सातारा आणि सांगली (meeting)जिल्हास्तरीय मेळावा आज कऱ्हाड येथील वेणूताई चव्हाण सभागृहात आयोजित करण्यात आला होता. या मेळाव्याचे अध्यक्षत्व आमदार भास्करराव जाधव यांनी केले. मेळाव्यादरम्यान सांगली जिल्ह्यातील शिवसेनेच्या पदाधिकारी आणि कार्यकर्त्यांमध्ये वादावादी झाली, ज्यामुळे काहीकाळ तणावाचे वातावरण निर्माण झाले.
सांगलीतील विद्यमान पदाधिकारी(meeting) आणि माजी पदाधिकारी यांच्यात पक्ष वाढीच्या प्रश्नावरुन तणाव निर्माण झाला. त्याचे पर्यावसन मारामारीत झाले. विद्यमान पदाधिकाऱ्याला राग अनावर झाल्याने त्याने माजी पदाधिकारी, कार्यकर्त्याच्या श्रीमुखात लगावल्याची घटना घडली. ही घटना चक्क आमदार जाधव यांच्या उपस्थितीत घडली.
या प्रकारानंतर शिवसेनेच्या नेत्यांनी मध्यस्थी करून तणाव कमी करण्याचा प्रयत्न केला. मेळाव्यात घडलेल्या प्रकाराला शिवसेनेच्या येथील पदाधिकाऱ्यांनी दुजोरा दिला आहे. मात्र, शिवसेनेच्या सांगलीतील पदाधिकाऱ्यांच्या मेळाव्यात झालेल्या राड्याची चर्चा जोरात सुरु आहे.
आगामी विधानसभा निवडणुकीच्या अनुषंगाने सातारा आणि सांगली जिल्ह्यात शिवसेनेची ताकद वाढवण्यासाठी आयोजित या मेळाव्यात पक्षाचे विभागीय संपर्क नेते आमदार जाधव यांच्यासह पश्चिम महाराष्ट्र संपर्क प्रमुख नितीन बानगुडे-पाटील व अन्य पदाधिकारी उपस्थित होते. त्यांच्या माध्यमातून कार्यकर्त्यांना पक्ष वाढीसाठी मार्गदर्शन देण्यात आले.
हेही वाचा :
… म्हणून अक्षय कुमारने चित्रपटात येण्यापूर्वी बदललं नाव
अमेरिका माजी राष्ट्राध्यक्ष डोनाल्ड ट्रम्प गोळीबार Video
मोठी बातमी! अजित पवार बारामतीतून निवडणूक लढवणार नाहीत?