ही परिस्थिती अधिक चिंताजनक बनते कारण, यामुळे देशाच्या अर्थव्यवस्थेवर मोठा परिणाम होणार आहे. या अभ्यासानुसार, टीबीमुळे(tb) भारताच्या जीडीपीला 146 अब्ज डॉलर्स म्हणजेचं सुमारे 12 लाख कोटी रुपये नुकसान होऊ शकते, ज्याचा सर्वसामान्यांच्या जीवनमानावर गंभीर प्रभाव पडेल.
टीबी(tb) हा एक जीवाणूजन्य संसर्ग आहे, जो मायकोबॅक्टीरियम ट्यूबरक्युलोसिस नावाच्या जीवाणूमुळे होतो. टीबी झालेल्या रुग्ण खोकले, शिंकले किंवा बोलले तेव्हा हे जीवाणू हवेत पसरतात आणि इतरांना संसर्ग होतो. टीबी प्रामुख्याने फुफ्फुसांवर परिणाम करतो, परंतु ते शरीराच्या इतर भागांमध्ये देखील पसरू शकतो. सामान्य लक्षणांमध्ये सतत खोकला, छातीत दुखणे, थकवा, वजन कमी होणे आणि ताप यांचा समावेश होतो. योग्य वेळी उपचार न केल्यास हा आजार प्राणघातक ठरू शकतो.
टीबीचा केवळ आरोग्यविषयकच नाही, तर आर्थिक भार देखील असणार आहे. गरीब आणि सामाजिकदृष्ट्या असुरक्षित गटांना सर्वाधिक फटका बसू शकतो, ज्यामुळे त्यांच्यावर आरोग्याशी संबंधित खर्चाचा मोठा भार येईल. उच्च उत्पन्न असलेल्या गटांना आर्थिक दृष्ट्या तडजोड करावी लागेल. भारतीय अर्थव्यवस्था आधीच विविध आव्हानांचा सामना करत असल्याने, या आजारामुळे जीडीपीला मोठा फटका बसू शकतो. हे नुकसान टाळण्यासाठी आवश्यक ती पावले उचलणे आवश्यक आहे.
जागतिक आरोग्य संघटनेचे ‘एंड टीबी’ लक्ष्य पूर्ण करणे हे भारतासाठी अत्यंत महत्त्वाचे आहे. या लक्ष्यात 90 टक्के प्रकरणे शोधणे आणि प्रभावी उपचार करणे यावर भर दिला जातो. यामुळे टीबीसंबंधित रुग्ण आणि मृत्यूची संख्या 75-90 टक्के कमी करता येईल. संशोधकांच्या मते, भारताने टीबीविरुद्ध आर्थिक गुंतवणूक वाढवण्याची आवश्यकता आहे. यात रुग्णांची लवकर तपासणी, टीबीवरील प्रभावी उपचार आणि 95 टक्के प्रभावी असलेल्या पॅन-टीबी औषधांची अंमलबजावणी यावर भर दिला पाहिजे. यामुळे 124.2 अब्ज डॉलर्सचे नुकसान टाळता येऊ शकतं.
नवीन संशोधन आणि औषधविकास हा टीबीवर नियंत्रण मिळवण्यासाठी महत्त्वाचा भाग आहे. अधिक प्रभावी आणि कमी वेळेत उपचार करणारी औषधं विकसित करणे आवश्यक आहे. वैज्ञानिक आणि तज्ज्ञांनी या रोगाविरुद्धच्या संघर्षात नवीन संशोधन व उपचार पद्धतींची अंमलबजावणी करणे अपेक्षित आहे.
भारताने आंतरराष्ट्रीय पातळीवर सहकार्य वाढवले पाहिजे. जागतिक आरोग्य संघटना, अन्य देश आणि विविध आंतरराष्ट्रीय संस्था यांच्यासोबत एकत्र काम करून टीबीवरील संशोधन आणि उपचार पद्धतींचे ज्ञान भारतात आणले पाहिजे.
क्षयरोगावर मात करण्यासाठी आणि देशाच्या आरोग्य व्यवस्थेची स्थिती सुधारण्यासाठी सखोल योजना आणि ठोस पावले आवश्यक आहेत. टीबी ही फक्त आरोग्याची समस्या नसून सामाजिक आणि आर्थिक समस्या देखील आहे, त्यामुळे तिच्यावर व्यापक पद्धतीने लक्ष दिले पाहिजे.
हेही वाचा :
आज दत्त जयंती, श्री दत्त गुरूंची ‘या’ राशींवर असणार अपार कृपा!
१६ लाख बहिणी ७५०० हजारांपासून वंचित; कारण फक्त…
शाहरुख खानमुळे ‘पुष्पा’ एका दिवसात जेलमधून बाहेर