पुण्यातील मांजरी – मुंढवा रस्त्यावर (path) मंगळवारी पहाटे राष्ट्रवादी काँग्रेसच्या माजी नगरसेवक बंडू गायकवाड यांचा पुत्र सौरभ गायकवाड याने दारूच्या नशेत भरधाव हॅरियर कारने कोंबड्यांची वाहतूक करणाऱ्या टेम्पोला जोरदार धडक दिली. या अपघातात टेम्पो चालक आणि क्लीनर गंभीर जखमी झाले असून त्यांना तातडीने रुग्णालयात दाखल करण्यात आले.
अपघातानंतर (path) सौरभ गायकवाड यालाही किरकोळ दुखापत झाली असून त्याच्यावर हडपसर पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, सौरभ गायकवाड हा पहाटे पाच वाजता आपल्या घरी परतत होता. यावेळी तो दारूच्या नशेत असल्याने त्याचे कारवरील नियंत्रण सुटले आणि समोरून येणाऱ्या टेम्पोला जोरदार धडक बसली.
अपघाताची माहिती मिळताच पोलिस घटनास्थळी दाखल झाले आणि जखमींना रुग्णालयात हलवण्यात आले. तसेच सौरभ गायकवाड याला ताब्यात घेऊन त्याची वैद्यकीय तपासणी करण्यात आली. वैद्यकीय तपासणीत तो दारूच्या नशेत असल्याचे स्पष्ट झाले. याप्रकरणी पुढील तपास सुरू आहे.
हेही वाचा :
चंदिपुरा विषाणूचा उद्रेक: गुजरातमध्ये ८ बालकांचा मृत्यू, चिंताजनक परिस्थिती
महाराष्ट्रात तरुणांसाठी ‘लाडका भाऊ’ योजनेत नवीन परिवर्तनांची घोषणा!
कुंभे धबधब्यावर रील बनवण्याच्या नादात मुंबईतील तरुणीचा मृत्यू