‘बिग बॉस मराठी’च्या पाचव्या पर्वाने प्रेक्षकांचे खळखळून मनोरंजन(Entertainment news) केले. गेल्या काही दिवसांपूर्वीच या शोने प्रेक्षकांचा निरोप घेतला. या शोमध्ये असे अनेक कलाकार आहेत, जे सध्या प्रचंड चर्चेत आले आहेत. त्यातीलच एक स्पर्धक म्हणजे, इरिना रुडाकोव्हा. इरिना रुडाकोव्हा जर परदेशी अभिनेत्री असली तरीही तिने आपल्या अस्खलित मराठीच्या माध्यमातून प्रेक्षकांच्या मनावर राज्य केले आहे. गेल्या अनेक दिवसांपासून चर्चेत राहिलेली इरिनाने यंदाच्या नवरात्रीत मराठमोळ्या गाण्यावर अफलातून डान्स करत सर्वांचेच लक्ष वेधले आहे. हा डान्सचा व्हिडिओ स्वत: इरिनाने तिच्या इन्स्टाग्रामवर शेअर केलेला आहे.
मुळची परदेशातील असलेली इरिना सध्या मुंबईमध्ये राहत आहे. इरिनाने ‘बिग बॉस मराठी ५’च्या माध्यमातूनच मराठी इंडस्ट्रीमध्ये डेब्यू केले आहे. बिग बॉसच्या(Entertainment news) घरातून बाहेर आल्यानंतर इरिना ‘इंद्रायणी’मालिकेतून प्रेक्षकांच्या भेटीला आली आहे. सध्या इरिना नवरात्रीनिमित्त महाराष्ट्रामध्ये प्रमोशननिमित्त फिरताना दिसत आहे. यानिमित्तच या ‘परदेसी गर्ल’ने मराठमोळ्या गाण्यावर केलेला जबरदस्त डान्स प्रेक्षकांचे लक्ष वेधत आहे. इरिनाने नवरात्रीत ‘महाराष्ट्र शाहीर’ चित्रपटातील ‘बहरला मधुमास नवा’ गाण्यावर जबरदस्त डान्स केला आहे.
व्हिडिओमध्ये इरिनाने, भन्नाट डान्स केलेला दिसत आहे. एक्सप्रेशन्स आणि हूकस्टेप्सने सर्वांचेच लक्ष वेधले आहे. इरिनाने या डान्सचा व्हिडिओ तिच्या इन्स्टा हँडलवर शेअर केलेला असून “बहरला हा, गरबा नाईट” असं कॅप्शन देत अभिनेत्रीने हा व्हिडिओ शेअर केलेला आहे. व्हिडिओवर चाहत्यांनी तिच्या डान्सचे, लूकचे आणि तिच्या आरस्पानी सौंदर्याचे भरभरून कौतुक केले आहे.
मूळची परदेशी असलेली इरिना गेल्या अनेक वर्षांपासून मुंबईत राहत आहे. परदेशात जन्म होऊनही इरिनाला भारतीय संस्कृतीचा अभिमान आहे. ‘बिग बॉस’च्या घरात सर्वात जास्त मराठी संस्कृती जपणारी मुलगी म्हणून रितेश देशमुखने भाऊच्या धक्क्यावर इरिना रुडाकोवाचं कौतुक केलं होतं. बिग बॉसच्या घरात असताना इरिनाने एकादशीचे उपवास पकडते, असा खुलासा केला होता.
हेही वाचा:
लेकीला संपवण्यासाठी आईची बॉयफ्रेण्डला सुपारी, पण तो मुलीच्याच प्रेमात पडला…
घटस्फोटानंतर हार्दिकने साजरा केला पहिला वाढदिवस! तर नताशा दिसली एल्विस यादवसोबत
कोल्हापुरात दिसला शाही दसऱ्याचा थाट, संभाजीराजेंची रोल्स रॉयसवर टिकल्या सर्वांच्या नजरा