बॉलिवूड अभिनेता(actor) सलमान खान हा सोशल मीडियावर नेहमीच अपडेट देताना दिसतो. सोशल मीडियावर फोटो आणि व्हिडीओ शेअर करत तो चाहत्यांच्या संपर्कात राहतो. मात्र, यावेळी सलमान खाननं काही फोटो शेअर केले असून हे त्याचे वडील सलीम खान यांचे आहेत. त्यानं सलीम खान यांची पहिली बाईक कोणती होती हे सांगत ही पोस्ट शेअर केली आहे. सलमाननं शेअर केलेले हे फोटो चांगलेच व्हायरल झाले आहेत.
सलमान खाननं त्याच्या इन्स्टाग्राम अकाऊंटवरून हे फोटो शेअर केले आहेत. सलमाननं (actor)दोन फोटो शेअर केले आहेत. एका फोटोत सलीम खान हे त्यांच्या पहिल्या बाईकवर बसले असून सलमान त्यांच्याकडे आनंदानं पाहताना दिसत आहे. तर दुसऱ्या फोटोत तो स्वत: त्या बाईकवर बसला आहे. हे फोटो शेअर करत सलमाननं कॅप्शन दिलं की ‘वडिलांची पहिली बाई Triumph Tiger 100,1956.’ सलमाननं शेअर केलेल्या या फोटोतून एक गोष्ट समजते की सलीम यांनी ही बाईक 1956 मध्ये खरेदी केली होती. सलमानच्या या फोटोवर कमेंट करत नेटकरी त्याच्या आणि त्याचे वडील सलीम यांच्यात किती चांगलं वातावरण आहे याविषयी बोलताना दिसत आहेत.
सलमाननं शेअर केलेल्या पोस्टवर नेटकरी कमेंट करत त्याची स्तुती करत आहेत. एक नेटकरी म्हणाला, ‘फक्त प्रेम’. दुसरा नेटकरी म्हणाला, ‘ तिसरा नेटकरी म्हणाला, ‘सगळ्यात जास्त आठवणीत राहिलेली कोणती गोष्ट असेल तर ती ही आहे. सगळ्यात वेगळं आणि कायम राहणारं प्रेम. सर लव्ह यू.’ आणखी एक नेटकरी म्हणाला, ‘तुझं वडिलांवर असलेलं प्रेम पाहून एकच शब्द तोंडात येतो नेहमी आनंदी राहा.’ सलमानच्या या पोस्टवर नेटकऱ्यांसोबत सेलिब्रिटींनी देखील कमेंट केली आहे. आयुष्मान खुरानानं कमेंटमध्ये फायर आणि रेड हार्टचं इमोटीकॉन शेअर केलं आहे.
दरम्यान, गेल्या बऱ्याच काळापासून सलमान आणि त्याचे वडील सलीम खान यांना जीवेमारण्याची धमकी मिळत आहे. त्यात सलमान हा पटपट त्याच्या आगामी चित्रपटाचं शूटिंग संपवून कुटुंबासोबत वेळ व्यथित करताना दिसत आहे. सलमान खानचा नुकताच ‘सिंघम अगेन’मध्ये कॅमियो पाहायला मिळाला. लवकरच तो ‘सिकंदर’ या चित्रपटात दिसणार आहे.
हेही वाचा :
मतदान होताच सर्वसामान्यांना महागाईच्या झळा! मध्यरात्रीपासून इंधनदरवाढ लागू
महाराष्ट्रातील निच्चांकी तापमान 10 अंशांवर; अर्ध्याहून अधिक राज्य गारठलं
निकालाआधीच प्रकाश आंबेडकरांनी नेमका कोणाचा डाव उधळला