मुंबई: उद्योगजगताचे महानायक रतन टाटा यांच्या निधनानंतर त्यांच्या चाहत्यांनी आणि अनुयायांनी दुःख व्यक्त केलं आहे. परंतु सर्वांचे लक्ष वेधून घेतलेल्या एका दृश्याने अनेकांची मने जिंकली आहे. रतन टाटा यांच्या अंत्यदर्शनासाठी त्यांचा आवडता डॉग (dog)‘गोवा’ देखील उपस्थित होता, आणि याचा व्हिडीओ सोशल मीडियावर प्रचंड व्हायरल झाला आहे.
या भावनिक क्षणी, ‘गोवा’ने आपल्या मालकाच्या शेवटच्या प्रवासात हजर राहून अपार प्रेम दाखवले. व्हिडीओमध्ये ‘गोवा’ शांतपणे रतन टाटा यांच्या पार्थिवाजवळ उभा असल्याचे दिसत आहे. या दृश्याने अनेकांच्या डोळ्यांत पाणी आणले आहे.
टाटा समूहाचे प्रमुख रतन टाटा आपल्या साधेपणासाठी आणि प्राण्यांवरच्या प्रेमासाठी प्रसिद्ध होते. ‘गोवा’ हा त्यांचा आवडता डॉग होता आणि अनेकदा त्यांच्यासोबत दिसायचा. त्यांच्या अखेरच्या प्रवासात ‘गोवा’ची उपस्थिती हा त्यांच्या आणि त्यांच्या प्राण्यांच्या नात्याचा एक अनमोल क्षण ठरला आहे.
सर्वत्र व्हायरल झालेल्या या व्हिडीओमुळे रतन टाटा यांच्या आठवणींना आणखी एक भावनिक पैलू मिळाला आहे, ज्यामुळे टाटा यांच्या साधेपणाचं आणि प्रेमळ स्वभावाचं पुन्हा एकदा दर्शन घडलं आहे.
हेही वाचा:
साखर कारखानदार पाताळात गेले तरी सोडणार नाही : राजू शेट्टींचा तीव्र इशारा
शरद पवारांचा दुसरा मोठा धक्का; पुण्यात भाजपचे राजकीय गणित बदलणार?
आईविना करमत नाही… जिनिलियाची सासूबाईंच्या वाढदिवसानिमित्त भावनिक पोस्ट, म्हणाली ‘थँक्यू’!