सांगली: कृष्णा नदीच्या वाढत्या पाणीपातळीमुळे तसेच मगरींच्या भीतीने जीव धोक्यात घालूनही, स्पेशल रेस्क्यू फोर्स आणि आयुष हेल्पलाईन टीमने एका तरुणाच्या शोधासाठी (search)अथक परिश्रम घेत 48 तासांची धाडसी मोहीम राबविली. अखेर कोल्हापूर जिल्ह्यातील शिरोली येथे त्या तरुणाचा मृतदेह आढळून आला.
रविवारी सांगलीच्या कृष्णा नदीवरील बंधाऱ्यावर सेल्फी घेण्याच्या नादात मोईन मोमीन (वय २४) हा तरुण नदीत पडला होता. घटनेची माहिती मिळताच, स्पेशल रेस्क्यू फोर्स आणि आयुष हेल्पलाईन टीमने तातडीने शोधमोहीम सुरू केली.
नदीचा वेगवान प्रवाह आणि मगरींच्या भीतीने शोधकार्य अतिशय आव्हानात्मक होते. तरीही, रेस्क्यू टीमने बोटीद्वारे नदीत शोध घेतला, पाण्याखालील भाग तपासले आणि आजूबाजूच्या परिसरातही शोध घेतला. अखेर दोन दिवसांच्या अथक प्रयत्नानंतर शिरोली येथे मोईनचा मृतदेह सापडला.
या शोधमोहिमेत स्पेशल रेस्क्यू फोर्सचे कैलास वडर, महेश गव्हाणे, अमिर नदाफ, शिवराज टाकळी, सचिन माळी, मोहसिन शेख, स्वप्नील धुमाळ, गणेश आवटी, योगेश आवटी यांच्यासह आयुष हेल्पलाईन टीमचे सूरज शेख, अविनाश पवार, चितामणी पवार, आणि रुद्र कारंडे यांचा समावेश होता.
या प्रसंगाने पुन्हा एकदा नदीकाठच्या परिसरात सुरक्षेच्या उपाययोजनांची गरज अधोरेखित केली आहे.
हेही वाचा :
शरद पवारांचे आरोप: सरकारच्या योजना फसव्या आणि लागू होण्याबाबत शंका
सांगली जिल्ह्यातून आषाढी यात्रेसाठी 260 अतिरिक्त बस सेवा!
गौतम गंभीर टीम इंडियाचे नवे हेड कोच, जय शहा यांनी केली घोषणा