मुंबई, १३ जुलै २०२४ – राज्यातील नागरिकांसाठी एक गोड बातमी(festival) आहे. राज्य सरकारने यंदाच्या गणेशोत्सवात ५६० कोटींचा आनंदाचा शिधा वाटप करण्याचा निर्णय घेतला आहे. राज्यातील १ कोटी ७० लाखांहुन अधिक शिधापत्रिका धारकांना हा आनंदाचा शिधा मिळणार असल्याची माहिती आहे. याबाबत राज्य सरकारकडून शासनादेश (जीआर) प्रसिद्ध करण्यात आला आहे, ज्यामध्ये निविदा प्रक्रिया फक्त ८ दिवसांत पूर्ण केली जाणार आहे.
गणेशोत्सवातील आनंदाचा(festival) शिधा वाटप योजना गणेशोत्सवाच्या निमित्ताने राज्य सरकारकडून निविदा प्रक्रिया आणि ५६० कोटींच्या खर्चास जीआरद्वारे मान्यता देण्यात आली आहे. विधानसभेच्या निवडणुकीच्या पार्श्वभूमीवर राज्य सरकारकडून मतांच्या पेरणासाठी आनंदाचा शिधा वाटप होत असल्याची टीका विरोधकांनी केली आहे. संजय राऊत यांनी प्रतिक्रिया देत लोकांना नोकऱ्या द्या, असे म्हटले आहे.
आनंदाच्या शिध्यात काय मिळणार? गौरी गणपती उत्सवानिमित्ताने प्रत्येक शिधापत्रिका धारकाला १ किलो रवा, चनाडाळ, साखर आणि १ लिटर सोयाबीन तेल मिळणार आहे. हा शिधा १५ ऑगस्ट २०२४ ते १५ सप्टेंबर २०२४ या काळात वाटप केला जाणार आहे. शिध्याचा प्रत्येक संच १०० रुपयांच्या सवलतीच्या दरात वितरीत केला जाईल.
राजकीय चर्चा आणि विरोधकांची टीका लोकसभा निवडणुकीच्या आचारसंहितेमुळे आनंदाचा शिधावाटप दोन महिने बंद राहिले होते. आता गणेशोत्सव काळात शिधावाटप करण्यात येत असल्याने सरकारवर विरोधकांचा टीका होत आहे. विरोधकांचा आरोप आहे की विधानसभा निवडणुका तोंडावर असल्यामुळे मतांच्या पेरणासाठी हा आनंदाचा शिधावाटप केला जात आहे.
हेही वाचा :
आज शुभ योग; ‘या’ 5 राशींच्या सर्व मनोकामना होणार पूर्ण
ICCमध्ये खळबळ! दोन अधिकाऱ्यांचा तडकाफडकी राजीनामा
१०० कोटींचे आमिष: शरद पवारांच्या आमदाराने फोडाफोडीचा धक्कादायक खुलासा केला