इचलकरंजी, १० नोव्हेंबर २०२४: इचलकरंजी विधानसभा मतदारसंघातील महायुतीचे अधिकृत उमेदवार राहुल प्रकाश आवाडे यांच्या प्रचार मोहिमेसाठी आज नामदेव भवन मैदानावर भव्य(grand) युवा मेळावा आयोजित करण्यात आला. या कार्यक्रमात इचलकरंजीतील हजारो युवक-युवतींनी हजेरी लावली, आणि परिसरात उत्साहाचे वातावरण निर्माण झाले.
या युवा मेळाव्याचे(grand) मुख्य आकर्षण केंद्रीय सहकार राज्यमंत्री मुरलीधर मोहोळ यांची उपस्थिती होती. त्यांनी सहकार क्षेत्रातील विविध संधींवर सखोल मार्गदर्शन केले. सहकार क्षेत्रातून ग्रामीण तरुणांना कशा प्रकारे फायदे होऊ शकतात, याची त्यांनी सविस्तर माहिती दिली. त्यांच्या सोबत खासदार धैर्यशील माने, भाजपा विधानसभेच्या निरीक्षक आमदार शशिकला जोल्ले, आमदार प्रकाश आवाडे, बेळगावचे आमदार संजय पाटील, भाजप प्रदेश उपाध्यक्ष सुरेश हाळवणकर, उपनगराध्यक्ष तानाजी पोवार, वस्त्रोद्योग महासंघाचे अध्यक्ष अशोक स्वामी यांसारखे मान्यवर नेते देखील या कार्यक्रमात सहभागी झाले होते.
युवा मेळाव्यात भाजप युवा मोर्चा अध्यक्ष जयेश बुगड, आदित्य आवाडे, रवी जावळे, भाजपा ग्रामीण जिल्हाध्यक्ष (पूर्व) राजवर्धन नाईक निंबाळकर, भाजप शहराध्यक्ष अमृतमामा भोसले, राष्ट्रीय मीडिया प्रमुख अमनदीप सिंग यांच्यासह प्रमुख पदाधिकारी आणि स्थानिक कार्यकर्त्यांची उपस्थिती होती. सतीश डाळ्या यांनी आवाडे यांच्यासाठी विजयाचे द्वार उघडले आहे, असे विधान करून तरुण कार्यकर्त्यांमध्ये नवचैतन्य निर्माण केले.
या भव्य मेळाव्यामुळे राहुल आवाडे यांच्या प्रचार मोहिमेला नवी दिशा मिळाली आहे. सहकार क्षेत्राचे फायदे आणि वस्त्रोद्योगविषयक संधींवर झालेल्या सखोल चर्चेमुळे तरुणांमध्ये प्रचंड उत्साह दिसून आला. या मेळाव्यामुळे आगामी विधानसभा निवडणुकीत आवाडे यांना व्यापक पाठिंबा मिळेल, अशी आशा व्यक्त होत आहे.
हेही वाचा :
“राहुल प्रकाश आवाडे यांच्या प्रचारासाठी आज इचलकरंजीत जोशपूर्ण सभा”
धनंजय महाडिकांना लाडक्या बहिणींबद्दलचे ‘ते’ वक्तव्य भोवलं
कोल्हापूरच्या इचलकरंजी मतदारसंघात 268 मतदान केंद्रे; मतदार माहिती चिठ्ठीचे वाटप सुरू