तुम्ही तुमच्या आयुष्यात एकदा तरी कोणती(triangular) ना कोणती पुस्तके वाचलीच असतील. त्यातील काही पुस्तके ही कंटाळवाणे असतील तर काही हृदयाला स्पर्श करणारे असतील. या सगळ्यामध्ये तुमच्या मनात कधी एक प्रश्न पडलाय का? की पुस्तकांचा आकार हा एकसारखाच का असतो? पुस्तकं कधी गोल किंवा त्रिकोणी किंवा इतर कोणत्याच आकाराची का नसतात? आजकाल प्रत्येक गोष्टीत इतकी क्रिएटिव्ही वापरली जाते मग पुस्तकांचा आकार पूर्वीपासून तसाच का? चला जाणून घेऊया याचं खरं कारण नेमकं काय…
व्यावहारिक डिझाइन
पुस्तकाचा आकार उभा किंवा आयताकृती असल्याने ते कपाटात ठेवणे, बॅगेमध्ये रोज कॅरी करणे किंवा एकावर एकवर ठेवणे सोपे जाते. पुस्तके गोल किंवा त्रिकोणी असल्यास त्यांना सांभाळणे, कॅरी करणे थोडेसे कठीणच पडले असते. जरा कल्पना करा की पुस्तके गोलाकार असती तर ती पुस्तके बॅगेमध्ये नीट राहिली नसती. जर पुस्तके त्रिकोणी असती तर त्या पुस्तकांचे कोपरे वाकले असते आणि लायब्ररीत पुस्तके ठेवायला जागा नसती तर काय झाले असते?
छपाईचे वैज्ञानिक कारण
छपाई मशिनमध्ये वापरल्या जाणाऱ्या मोठ्याला पेपर शीट्स या आयताकृती असतात. या पेपर्सना पुस्तकाच्या स्वरूपात कापून त्यांना दुमडण्याचा सर्वात सोयीस्कर आणि पेपर (triangular)कमी वाया जाण्यासाठीची पद्धत देखील आयताकृतीच आहे. तर गोलाकार किंवा त्रिकोणी पुस्तके तयार करणे म्हणजे जास्त वेळ खर्च आणि पेपर शीट्सचे जास्तीत-जास्त नुकसान…
वाचनासाठी आकारही सोयिस्कर हवा
जेव्हा तुम्ही पुस्तक उघडता तेव्हा तुमचे डोळे डावीकडून उजवीकडे आणि वरपासून खालपर्यंत असेच जातात. या वाचन पद्धतीसाठी आयताकृती पाने असणे हाच सर्वोत्तम पर्याय आहे. गोलाकार पानांवर मजकूर बसवणे आणि त्रिकोणी पानांवर मजकूर छापणे म्हणजे पानांवरची जागा वाया जाण्यासारखंच आहे.
प्राचीन काळी, लोक स्क्रोलवर लांब पेपर रोल लिहीत असत, परंतु स्क्रोल वाचणे फार कठीण होते, रोल पुन्हा पुन्हा उघडावा लागायचा. पण जेव्हा पुस्तकांचा शोध लागला(triangular) तेव्हा आयताकृती स्वरूप सर्वात सोयीस्कर वाटले आणि हळुहळू हे स्वरूप सवयीचे झाले आणि आजही ते तसेच आहे.
प्रोडक्शनपासून ते डिझाईनपर्यंत
पुस्तके फक्त वाचायची नसतात तर त्यांचे डिझाईन करावे लागते, त्यांना छापावे लागते. छापून झाल्यानंतर ते बांधून विक्रेत्यांकडे पाठवायची असतात. ही संपूर्ण प्रक्रिया चौरस, आयताकार आकारात सर्वात सोपी आणि स्वस्त आहे. हा आकार प्रकाशकांसाठी देखील सर्वात कॉस्ट-इफेक्टिव्ह असा असतो.
हेही वाचा :
सुळकुड योजनेच्या अंमलबजावणीसाठी इचलकरंजी नागरिक मंच आक्रमक,आयुक्तांना आग्रही राहण्याचे निवेदन.
आज अनेक शुभ संयोग; ‘या’ 5 राशींचा सुरु होणार सुवर्णकाळ, उत्पन्नाचे मार्ग मोकळे होणार
झापुक झुपूक सुरज आणि किंग कोहली आले समोरासमोर, Video Viral