भारतीय रेल्वेने प्रवाशांचा प्रवास अधिक सुखकर आणि आरामदायी करण्यासाठी (trian ticket)नियमांमध्ये बदल केले आहेत. नुकतीच, भारतीय रेल्वेने आयआरसीटीसी तत्काळ तिकीट बुकिंगसाठी एक नवीन प्रणाली लागू केली आहे.आता प्रवाशांसाठी आयआरसीटीसी तिकीट बुकिंग पूर्वीपेक्षा अधिक सोपे आणि जलद झाले आहे. १५ फेब्रुवारीपासून सुरू झालेल्या या नवीन व्यवस्थेमुळे, रेल्वे तिकीट बुकिंग अधिक वेगवान होईल, वेबसाइट क्रॅश होण्याची शक्यता कमी होईल आणि फसवणुकीला आळा बसेल. ज्या प्रवाशांना तातडीच्या प्रवासासाठी तत्काळ तिकिटांवर अवलंबून राहावे लागते, त्यांना या बदलाचा मोठा फायदा होईल.
इंडियन रेल्वेची तिकीट बुकिंग वेबसाइट आणि ॲप, आयआरसीटीसी आता आर्टिफिशियल इंटेलिजन्स म्हणजेच कृत्रिम बुद्धिमत्तेशी जोडले गेले आहे. त्यामुळे रेल्वे तिकीट बुकिंग आणखी जलद होईल. आयआरसीटीसी तत्काळ बुकिंग आता अधिक सुलभ झाले आहे. नवीन तंत्रज्ञान फसवणूक करणाऱ्या बुकिंग्ज ओळखण्यास आणि रोखण्यास मदत करेल, ज्यामुळे खऱ्या प्रवाशांना तत्काळ तिकीट मिळण्याची शक्यता वाढेल. तसेच, अद्ययावत प्रणाली अधिक ट्रॅफिक हाताळण्यासाठी तयार केली गेली आहे, ज्यामुळे वेबसाइट क्रॅश होण्याची समस्या कमी होईल.
नवीन प्रणालीचे फायदे
वेग: एआय-आधारित प्रणालीमुळे आयआरसीटीसी तत्काळ बुकिंगचा वेग वाढेल.
सुरक्षा: सुधारित सुरक्षा उपायांमुळे ऑनलाइन तिकीट फसवणूक थांबेल आणि खऱ्या प्रवाशांना तिकीट मिळणे सोपे होईल.
विश्वासार्हता: उत्तम प्रणाली आणि तंत्रज्ञानामुळे वेबसाइट क्रॅश होण्याची भीती कमी होईल, विशेषतः तत्काळ बुकिंगच्या वेळी.
पारदर्शकता: आयआरसीटीसी तिकीट बुकिंग प्रक्रियेत अधिक पारदर्शकता येईल
तत्काळ तिकीट बुक करण्याची पद्धत जवळपास पूर्वीसारखीच आहे, फक्त आता ती अधिक वेगवान झाली आहे.
तत्काळ तिकीट कसे बुक करावे?
आयआरसीटीसी वेबसाइट किंवा मोबाइल ॲप उघडा: आपल्या आयआरसीटीसी खात्यात लॉग इन करा.
ट्रेन शोधा: आपल्याला हवी असलेली ट्रेन, तारीख आणि ठिकाण शोधा.
तत्काळ निवडा: “तत्काळ” पर्याय निवडा.
प्रवाशांची माहिती: प्रवाशांची आवश्यक माहिती भरा.
पेमेंट करा: उपलब्ध माध्यमांद्वारे पेमेंट करा. नवीन प्रणालीमध्ये पेमेंटही लवकर होईल.
पुष्टीकरण: आपल्याला एसएमएस किंवा ईमेलद्वारे बुकिंगची माहिती मिळेल.
काय बदलले आहे?
एआय-आधारित प्रणाली: ही प्रणाली खऱ्या प्रवाशांच्या बुकिंगला प्राधान्य देते आणि फसवणूक करणाऱ्यांवर लक्ष ठेवते.सुधारित पेमेंट सिस्टम: अधिक विश्वासार्ह पेमेंट सिस्टममुळे पेमेंट जलद आणि सुरक्षित होते.
तत्काळ बुकिंगच्या वेळी ‘या’ गोष्टी लक्षात ठेवा
उत्तम इंटरनेट: जलद आणि सुरळीत तत्काळ बुकिंगसाठी चांगले इंटरनेट कनेक्शन आवश्यक आहे.
माहिती तयार ठेवा: तत्काळ तिकीट बुकिंग सुरू करण्यापूर्वी सर्व प्रवाशांची माहिती तयार ठेवा.
जलद पेमेंट: यूपीआय किंवा डेबिट/क्रेडिट कार्डसारखे जलद पेमेंट करणारे माध्यम निवडा.
लवकर लॉग इन करा: तत्काळ बुकिंग सुरू होण्याच्या काही मिनिटे आधी आपल्या आयआरसीटीसी खात्यात लॉग इन करा, जेणेकरून गर्दीमुळे होणारा विलंब टाळता येईल.
हेही वाचा :
राष्ट्रवादीचे माजी आमदार यांच्या अपघाताचा व्हिडीओ समोर!
केस ओढले, मारहाण केली, शिवाय आक्षेपार्ह…’त्या’ दिवशी काय घडलं?, ऐश्वर्याचा मोठा खुलासा
IPL 2025 ची सुरुवात कधी पहिल्या सामन्यासाठी दोन संघ ठरले संपूर्ण वेळापत्रक जाहीर