बिहारच्या आरा रेल्वे स्टेशनवर मंगळवारी रात्री घडलेल्या तिहेरी हत्याकांडाने संपूर्ण राज्यात खळबळ उडवली आहे. २३ वर्षीय अमन कुमार सिंह याने प्लॅटफॉर्म क्रमांक दोनवर ५५ वर्षीय अनिल कुमार आणि १६ वर्षीय जिया कुमार यांच्यावर गोळ्या झाडून त्यांचा मृत्यू घडवून आणला. त्यानंतर त्याने स्वतःवर गोळी झाडून आत्महत्या(Suicide) केली. ही घटना रात्री ८ वाजताच्या सुमारास घडली.
घटनेचा तपशील
प्राथमिक तपासानुसार, मृतक जिया दिल्लीमध्ये शिक्षण घेत होती आणि ती क्रांती एक्सप्रेसने दिल्लीला जाण्यासाठी रेल्वे स्टेशनवर पोहोचली होती. तिचे वडील अनिल कुमार, जो एलआयसी एजंट होते, तिला सोडण्यासाठी आले होते. त्याच वेळी, अमन कुमार सिंह स्टेशनवर पोहोचला आणि अचानक गोळीबार केला.
प्रेम प्रकरणाचा संशय
पोलिसांनी केलेल्या प्राथमिक तपासानुसार, अमन आणि जिया यांच्यात प्रेमसंबंध होते. परंतु, कुटुंबीयांनी त्यांचा विरोध केल्यामुळे अमनने हे टोकाचे पाऊल उचलले असावे(Suicide), असा अंदाज वर्तवला जात आहे. घटनेनंतर पोलिसांनी घटनास्थळी पोहोचून पिस्टल आणि जिवंत काडतुसे जप्त केली आहेत.
प्रत्यक्षदर्शींची प्रतिक्रिया
गोळीबाराच्या आवाजाने संपूर्ण स्टेशन परिसरात गोंधळ उडाला. प्रवासी घाबरून धावपळ करू लागले आणि काहींना वाटले की गँगवॉर सुरू झाला आहे. स्थानिक पोलिस आणि रेल्वे सुरक्षा दल घटनास्थळी पोहोचले आणि परिस्थिती नियंत्रणात आणली.
पोलिस तपास सुरू
आरा रेल्वे पोलिस आणि एएसपी परियच कुमार यांच्या नेतृत्वाखाली या प्रकरणाचा सखोल तपास सुरू आहे. प्रत्येक शक्यता तपासली जात आहे. पोलिसांनी जिया आणि अमनच्या कुटुंबीयांची चौकशी सुरू केली असून या हत्याकांडामागील नेमके कारण शोधण्याचा प्रयत्न केला जात आहे.
या हृदयद्रावक घटनेमुळे संपूर्ण आरा शहरात भीतीचे वातावरण निर्माण झाले आहे. पोलिस लवकरच अधिकृत तपास अहवाल सादर करणार आहेत.
हेही वाचा :
इचलकरंजी : माजी नगरसेवकासह तिघांना खंडणी प्रकरणी अटक
ठाकरे गटाला मोठं खिंडार, ‘या’ बड्या नेत्यांचा आज शिंदेसेनेत पक्षप्रवेश
प्रशांत कोरटकर याचा पहिला अंक समाप्त…!