महाराष्ट्राच्या लातूर जिल्ह्यात उदगीरमध्ये बर्ड फ्लूमुळे(Bird flu) शेकडो कावळ्यांचा मृत्यू झाल्याची घटना ताजी असतानाच, आता अहमदपूर तालुक्यातील ढाळेगाव येथील एका पोल्ट्री फार्ममधील तब्बल 4,200 कोंबड्यांचा संशयास्पद मृत्यू झाल्याची धक्कादायक बातमी समोर आली आहे. या एकामागोमाग एक घडणाऱ्या घटनांमुळे भीतीचे वातावरण निर्माण झाले आहे.
कोंबड्यांच्या मृत्यूमागील कारण शोधण्यासाठी मृत पक्षांचे नमुने प्रयोगशाळेत तपासणीसाठी पाठवण्यात आले होते. या तपासणीत बर्ड फ्लूचे निदान झाले आहे. हा आजार नेमका काय आहे? आणि यामुळे मनुष्याला काय धोका आहे? याबाबत सविस्तर जाणून घेऊयात.
बर्ड फ्लू(Bird flu), ज्याला ‘एव्हियन इन्फ्लूएंझा’ म्हणूनही ओळखले जाते, हा असा आजार आहे जो मुख्यतः पक्ष्यांमध्ये आढळतो. परंतु, विशिष्ट परिस्थितीत तो माणसांमध्येही पसरण्याची शक्यता असते. जगभरातील अनेक देशांमध्ये बर्ड फ्लूचा प्रादुर्भाव झालेला दिसतो आणि त्यामुळे माणसांमध्ये या आजाराबद्दल भीती निर्माण झाली आहे. हा आजार मुख्यतः जंगली पक्षी आणि कोंबड्यांमध्ये आढळतो. परंतु, माणसांमध्ये संसर्ग झाल्यास तो अत्यंत घातक ठरू शकतो. म्हणूनच बर्ड फ्लूविषयी जागरूक राहणे, त्याची लक्षणे ओळखणे आणि योग्य खबरदारी घेणे अत्यावश्यक आहे.
बर्ड फ्लू हा ‘इन्फ्लूएंझा व्हायरस’चा प्रकार आहे, जो मुख्यतः पक्ष्यांमध्ये आढळतो. ‘एच5एन1’ (H5N1) आणि ‘एच7एन9’ (H7N9) हे यातील दोन घातक प्रकार आहेत, जे कधी कधी माणसांमध्ये संक्रमण करतात. हा विषाणू संक्रमित पक्ष्यांच्या थुंकी , शिंका किंवा मलमूत्राद्वारे पसरतो. मुख्यतः कोंबड्या, बदके आणि इतर पाळीव पक्ष्यांमधून माणसांमध्ये हा आजार पसरतो.
बर्ड फ्लूचा माणसांमध्ये संसर्ग झाल्यास तो गंभीर आजार ठरतो, ज्यामुळे श्वसनाच्या समस्या, अंगदुखी आणि ताप येऊ शकतो. विषाणूचा प्रादुर्भाव शरीराच्या रोगप्रतिकारक शक्तीवर परिणाम करतो, ज्यामुळे गंभीर स्वरूपाचा न्यूमोनिया होऊ शकतो. ‘एच5एन1’ संसर्गामुळे मृत्यूची शक्यता जास्त असल्याचे निरीक्षण आहे. योग्य उपचार न घेतल्यास तो जीवघेणा ठरू शकतो.
ताप आणि श्वास घेण्यास त्रास
सतत खोकला आणि घसा खवखवणे.
अंगदुखी, डोकेदुखी आणि थकवा.
डायरिया किंवा उलट्या होणे
अशी लक्षणे दिसताच त्वरित डॉक्टरांचा सल्ला घ्या. या घटनांमुळे महाराष्ट्रात बर्ड फ्लूचा धोका वाढला असून, नागरिकांनी सतर्क राहणे आणि आवश्यक ती खबरदारी घेणे गरजेचे आहे. विशेषतः पोल्ट्री फार्मशी संबंधित लोकांनी अधिक काळजी घ्यावी.
हेही वाचा :
महिला पाण्यात जलपरी बनून परफॉर्मन्स करत होती तितक्यात समोरून आला मासा, तोंडात पकडलं डोकं अन्… Viral Video पाहून बसेल धक्का
शाहिद कपूरचा ‘देवा’ चित्रपट करू शकेल का धमाल? पाहिल्यादिवशी ॲडव्हान्स बुकिंगमध्ये केली एवढी कमाई!
उत्तम जानकर घेणार राज ठाकरेंची भेट, EVM विरोधातील लढा तीव्र होण्याची शक्यता!