कोल्हापूर: भागीरथी महिला संस्था, भागीरथी युवती मंच आणि भारतीय जनता पार्टीच्या संयुक्त विद्यमाने २०२४ साली भव्य झिम्मा फुगडी स्पर्धेचे(Competition) आयोजन करण्यात आले आहे. या स्पर्धेची प्रेरणा धनंजय महाडिक युवा शक्तीकडून मिळाली असून, कोल्हापूरमधील माता, भगिनी आणि युवतींसाठी ही स्पर्धा विशेष आकर्षण ठरणार आहे.
स्पर्धेचे(Competition) मुख्य उद्दिष्ट महाराष्ट्राच्या सांस्कृतिक वारशाचे जतन करणे आणि ग्रामीण तसेच शहरी भागातील महिलांना प्रोत्साहन देणे आहे. यंदाच्या झिम्मा फुगडी स्पर्धेचे वैशिष्ट्य म्हणजे ५ लाख रुपयांची रोख बक्षीसे आणि इतर आकर्षक वैयक्तिक बक्षिसांची लयलूट. स्पर्धेत भाग घेण्यासाठी महिलांची मोठ्या प्रमाणावर नोंदणी सुरू झाली असून, ग्रामीण आणि शहरी महिलांचा उत्तम प्रतिसाद लाभत आहे.
या स्पर्धेचा लाभ घेण्यासाठी इच्छुक महिलांनी २३ सप्टेंबर २०२४ च्या आत नोंदणी करणे आवश्यक आहे. यासाठी विशेष फॉर्म उपलब्ध करून देण्यात आले आहेत.
स्पर्धेच्या आकर्षणामध्ये “नवरात्र माझा नवसाचा” फेम कलाकार सचिन आणि सुप्रिया यांच्या विशेष उपस्थितीचा समावेश आहे. तसेच, सुप्रसिद्ध कलाकार इंद्रायणी, दुर्गा आणि हेमल इंगळे यांचे देखील विशेष कार्यक्रम होणार आहेत.
स्पर्धेच्या यशस्वीतेसाठी सौ. अरूंधती धनंजय महाडिक यांनी महिलांना आवाहन केले आहे की, या सांस्कृतिक महोत्सवात सहभागी होऊन आकर्षक बक्षिसे जिंकण्याची संधी मिळवावी.
स्पर्धेची तारीख:
२५ सप्टेंबर २०२४, बुधवार, रात्री १० वाजता
ठिकाण:
रामकृष्ण मल्टीपर्पज लॉन, शाहू मार्केट यार्ड रोड, कोल्हापूर
टीप:
स्पर्धेसाठी नोंदणीची अंतिम तारीख: २३ सप्टेंबर २०२४.
हेही वाचा:
शिवसेना अन् राष्ट्रवादी आमदार अपात्रता प्रकरण; ‘या’ दिवशी ‘सर्वोच्च’ सुनावणी
‘शाहिद कपूरशिवाय मी…’; 17 वर्षांनी करिनाने ब्रेकअपबद्दल केला मोठा खुलासा
शेतकऱ्यांसाठी अजित पवारांची मोठी घोषणा, भरसभेत दिलं आश्वासन