इचलकरंजी, 09 मार्च 2025 – जागतिक महिला दिनानिमित्त पोलीस मित्र असोसिएशन व वेध फाउंडेशन, महाराष्ट्र राज्य यांच्या संयुक्त विद्यमाने राज्यस्तरीय आदर्श महिला पुरस्कार व 2025 पुरस्कार वितरण सोहळा(ceremony) श्रीमंत नारायणराव घोरपडे नाट्यगृह येथे मोठ्या उत्साहात पार पडला.
कार्यक्रमाच्या उद्घाटनासाठी व अध्यक्ष स्थानी श्रीमती निवेदिता माने (हातकणंगले लोकसभेच्या माजी खासदार) उपस्थित होत्या. प्रमुख मार्गदर्शक म्हणून मा. सौ. पल्लवी पाटील मॅडम (आयुक्त, इचलकरंजी महानगरपालिका) तर प्रमुख मान्यवर डॉ. युवराज मोरे व डॉ. रजनीताई शिंदे उपस्थित होते.
कार्यक्रमात(ceremony) राज्यभरातील कर्तबगार महिलांना शाल, सन्मानचिन्ह आणि मानपत्र देऊन सन्मानित करण्यात आले. उपस्थित मान्यवर व पुरस्कारार्थी यांच्यासाठी हा सोहळा अत्यंत प्रेरणादायी आणि गौरवास्पद ठरला.
मात्र, कार्यक्रमादरम्यान वारंवार वीजपुरवठा खंडित झाल्याने मोठा अडथळा निर्माण झाला. या समस्येमुळे उपस्थितांमध्ये नाराजी पसरली. या पार्श्वभूमीवर, माजी खासदार व नूतन खासदार धैर्यशील माने यांच्या मातोश्री निवेदिता माने यांनी आपल्या भाषणात आयुक्त पल्लवी पाटील यांना स्पष्टपणे सांगितले की, “जेवढा लागेल तेवढा निधी खासदार व नूतन आमदार डॉ. राहुल आवाडे यांच्याकडून मागा आणि लवकरात लवकर नाट्यगृहाचे काम पूर्ण करा.”
त्यांच्या या सूचनेमुळे नाट्यगृहाच्या दुरुस्ती आणि वीजपुरवठा व्यवस्थापनावर प्रशासन किती तत्परतेने कार्यवाही करणार, याकडे नागरिकांचे लक्ष लागले आहे.
हेही वाचा :
लाईटच्या समस्येमुळे पुरस्कार सोहळ्यात व्यत्यय; आयुक्त मॅडमने दिले दुरुस्तीचे आश्वासन
“धंगेकरांच्या पत्नीला अटक होईल अशी भीती…; खासदार संजय राऊत यांचा गंभीर आरोप
पोटावर वाढलेला चरबीचा घेर कायमचा होईल गायब! आहारात ‘या’ मसाल्याच्या पदार्थाचे सेवन