विधानसभा निवडणुकीची (political news)जोरदार तयारी सुरु आहे. अशातच अवघ्या राज्याचं लक्ष हे बारामती विधानसभा मतदारसंघाकडे लागला आहे. कारण बारामतीमध्ये काका व पुतण्यामध्ये लढत होणार आहे. महायुतीकडून उपमुख्यमंत्री अजित पवार रिंगणात उतरले आहेत. तर महाविकास आघाडीकडून युगेंद्र पवार मैदानात उतरले आहेत. अशातच युगेंद्र पवार यांच्या प्रचारार्थ कण्हेरी येथे राष्ट्रवादी काँग्रेसचे अध्यक्ष शरद पवार यांची सभा झाली. यावेळी शरद पवारांनी अजित पवारांची नक्कल केली आहे.
कण्हेरी येथे युगेंद्र पवार यांच्या प्रचारार्थ शरद पवार (political news)यांची सभा पार पडली. या भर सभेमध्ये शरद पवार यांनी अजित पवार यांच्या रडण्याची नक्कल केली होती. यावेळी शरद पवार यांनी अजित पवारांची केलेल्या नक्कलेची राज्यभर चर्चा रंगली आहे. मात्र आता या ‘नक्कल’वर अजित पवार यांनी प्रतिक्रिया दिली आहे.
यावेळी अजित पवार म्हणाले की, शरद पवार हे एक राष्ट्रीय व प्रगल्भ नेते आहेत. त्यामुळे प्रगल्भ नेत्याने माझी नक्कल करणे हे अनेकांना आवडलं नाही. तसेच युगेंद्र पवारांनी किंवा इतर कोणी केलं असतं तर ठीक होतं, असं अजित पवार म्हणाले आहेत. तसेच इतके दिवस वाटत होतं की फक्त राज ठाकरेच नक्कल करतात, पण काल साहेब देखील नक्कल करताना दिसले असं अजित पवार म्हणाले आहेत.
याशिवाय मी शरद पवार साहेबांना देव मानलं आहे. परंतु त्यांनी माझी नक्कल केली. कारण मी घरचा मुलगा होतो आणि माझी नक्कल त्यांनी करणे हे योग्य नव्हतं अशी प्रतिक्रिया उपमुख्यमंत्री अजित पवार यांनी दिली आहे. तसेच शरद पवारांना ज्या उंचीवर देश व महाराष्ट्र बघतो…त्या मोठ्या नेत्याने माझी नक्कल केलेली राज्यातील अनेकांना पटली नाही.
कारण मी रात्र-दिवस एक करुन निवडणुकीत काम केलं आहे. तसेच मी आईचं नाव घेतल्यानंतर थोडं भावनिक झालो होतो असं अजित पवार म्हणाले आहेत.
हेही वाचा :
PM नरेंद्र मोदींनी मागितली जनतेची माफी; नेमकं कारण काय?
आज लक्ष्मी नारायण योगासह जुळून आले अनेक शुभ योग; ‘या’ 5 राशींना अचानक होणार धनलाभ
परफॉर्म करत असतानाच स्टेजवर आला चाहता, बाऊन्सर मारहाण करत असतानाही सोनू निगम गात राहिला,