कागलमध्ये समरजितसिंह घाटगे यांच्या पक्षप्रवेशाच्या कार्यक्रमात शरद पवारांनी तुफान गर्दी समोर जोरदार भाषण(political) करत नाव न घेता हसन मुश्रीफांवर जोरदार हल्लाबोल केला. त्यांनी सांगितले की, “ज्यांना मोठं केलं, तेच संकटकाळी सोडून गेले.
” पवारांनी कागलमधील जनता हसन मुश्रीफांना आगामी निवडणुकीत त्यांची जागा दाखवेल असा विश्वास व्यक्त केला. यावेळी त्यांनी समरजितसिंह घाटगे यांना केवळ आमदारच नव्हे, तर मोठी जबाबदारी दिली जाईल असेही आश्वासन दिले.
पुढे बोलताना पवारांनी कागलच्या इतिहासात कधीच लाचारी स्वीकृत नसल्याचे सांगून, ईडीच्या छाप्यांनंतर कागलमधील महिलांनी दिलेल्या धाडसाने त्यांची स्तुती केली. मात्र, घरातील प्रमुखाने लाचारी स्वीकारल्याचे त्यांनी कटाक्षाने सांगितले आणि कागलमधील जनता आता अशा व्यक्तींना धडा शिकवेल, असा इशारा दिला.
शरद पवारांनी मालवणमध्ये शिवाजी महाराजांच्या पुतळ्याच्या कोसळ्याच्या घटनेवरून राज्य सरकारवरही टीका केली. त्यांनी मुख्यमंत्र्यांच्या “वाऱ्यामुळे पुतळा कोसळला” या वक्तव्यावर जोरदार प्रहार करत, कामात झालेल्या भ्रष्टाचाराचा आरोप केला आणि अशा भ्रष्टाचारी लोकांच्या हातात सत्ता देऊ नये, असे आवाहन केले.
हेही वाचा:
लाडकी बहीण योजनेवर गैरप्रकार करणार्‍यांना कडक कारवाईची चेतावणी; मुख्यमंत्र्यांचा इशारा
महाराष्ट्राला महिला मुख्यमंत्री मिळणार का? पंकजा मुंडे यांचे सूचक विधान, म्हणाल्या…
ॲटलस सायकल्सच्या माजी अध्यक्षांची गोळी झाडून आत्महत्या